ގއ. ދާންދޫ މަގުމަތީގައި ނިޔާވެފައި އޮތް މީހަކު ފެނިއްޖެއެވެ.
ފުލުހުން މައުލޫމާތު ދީފައިވާ ގޮތުގައި ނިޔާވެފައި އޮއްވައި ފެނިފައިވަނީ އެ ރަށު ނަގަހެލަ، އަހުމަދު އަބްދުﷲ 33، އެވެ.
މިހާރު ދާންދޫގައި ފުލުހުންގެ ފޮރެންސިކް ޓީމު ދަނީ ހަރަކާތްތެރިވަމުންނެވެ.
އެ ޒުވާނާ ނިޔާވެފައި އޮއްވައި ފެނިފައި ވަނީ މިއަދު ހެނދުނު 8:30 ހާއިރެވެ. ރެއިން ފެށިގެން އޭނާގެ ހަބަރެއް ނުވާކަމަށް މައުލޫމާތު ލިބިފައިވެއެވެ.
މިވަގުތު އަހުމަދުގެ ހަށިގަނޑު އޮތީ ދާންދޫ ސިއްހީ މަރުކަޒުގައެވެ. ފުލުހުން ދަނީ މި މައްސަލަ އިތުރަށް ތަހުގީގު ކުރައްވަމުންނެވެ.
