މޯލްޑިވްސް މީޑިއާ ކައުންސިލުގެ މެމްބަރުން ހޮވުމަށް ބާއްވާ އިންތިޚާބުގެ ވޯޓު ގުނަން ފަށައިފިއެވެ.
މި އިންތިޚާބުގެ ވޯޓު ލާން ފަށާފައިވަނީ ހޮނިހިރު ދުވަހުގެ ހެނދުނު 10:00 ގައެވެ.
މި އިންތިޚާބުގައި 22 ކެންޑިޑޭޓުން ވާދަކުރާއިރު، އޭގެ ތެރޭގައި ހިމެނެނީ މީޑިއާގެ މެމްބަރު ކަމުގެ މަގާމަށް ވާދަކުރައްވާ 11 ކެންޑިޑޭޓުންނާއި، އާންމުންގެ މެމްބަރުކަމުގެ މަގާމަށް ވާދަކުރައްވާ 11 ކެންޑިޑޭޓެކެވެ.
މީޑިއާ ކައުންސިލު އެކުލެވިގެންވާނީ 15 މެންބަރުންގެ މައްޗަށެވެ. މި 15 މެންބަރުން ބެހިގެންދާނީ މީޑިއާގެ 8 މެންބަރުންނާއި، ޢާންމުންގެ 7 މެންބަރުންގެ މައްޗަށެވެ.
ކައުންސިލުގެ މެންބަރަކަށް ހަމަޖެހޭ މީހަކު، އެ މަޤާމުގައި ދެމިހުންނާނީ، 2 އަހަރު ދުވަހުގެ މުއްދަތަށެވެ. އަދި އެއްވެސް މީހަކަށް ކައުންސިލުގެ މެންބަރުކަމުގައި ވިދިވިދިގެން 2 \ދައުރު އަދައެއް ނުކުރެވޭނެއެވެ.
