އއ.އުކުޅަހު މެޖިސްޓްރޭޓް ކޯޓުގެ އިސްމެޖިސްޓްރޭޓް އަލްއުސްތާޛު އަޙުމަދު މުޢާވިއަތު ޤާސިމް ސަސްޕެންޑްކުރުމަށް ނިންމައިފިއެވެ.
އޭނާ ސަސްޕެންޑް ކުރީ ކޮމިޝަނުން ބަލަމުންދާ މައްސަލައާ ގުޅިގެންނެވެ.
މިކަން ހާމަކޮށް ޖޭއެސްސީއިން ބުނީ ތަޙްޤީޤަށް ހުށަހެޅިފައިވާ ހެއްކަށާއި، އެ ފަނޑިޔާރު މަސައްކަތުގައި ދެމިހުރެއްޖެނަމަ މައްސަލަ ތަޙްޤީޤުކުރުމަށް އެޅިދާނެ ހުރަހަކަށާއި، ޝަރުޢީ ދާއިރާގެ އިތުބާރު ނެގެހެއްޓުމުގެ އަސާސްގެ މައްޗަށް ބިނާކޮށް، މިއަދުން ފެށިގެން މައްސަލަ ނިމެންދެން، އއ.އުކުޅަހު މެޖިސްޓްރޭޓް ކޯޓުގެ އިސްމެޖިސްޓްރޭޓް އަލްއުސްތާޛު އަޙްމަދު މުޢާވިޔަތު ޤާސިމް ވަޒީފާއަށް ނުނިކުމެ މަޑުކުރުމަށް އެންގުމަށް ވަނީ ނިންމާފައިވާކަމަށެވެ.
މިއީ 2024 ނޮވެންބަރު 27 ވަނަ ދުވަހު ބޭއްވުނު ކޮމިޝަންގެ 62 ވަނަ ޖަލްސާގައި ނިންމި ނިންމުމެކެވެ.
