މާލޭގެ ތާށިކަން ބޮޑު ގިނަ ސަރަހައްދުތަކެއްގައި އުޅަނދުތައް ޓޯކުރުމުގެ މަސައްކަތްތައް ކުރިއަށް ގެންދާނެކަން ފުލުހުންގެ މުއައްސަސާއިން ހާމަކޮށްފިއެވެ.
ފުލުހުންގެ މުއައްސަސާއިން އާންމުކޮށްފައިވާގޮތުން، މާލޭގެ ކާރޫބާރު ބޮޑު ސަރަހައްދުތައްކަމަށްވާ، ބޮޑުތަކުރުފާނުމަގާއި، އަމީނީމަގުގެ އަދި މަޖީދީ މަގާއި އޯކިޑް މަގުގެ އިތުރުން އަމީރު އަހުމަދު މަގާއި ސޯސަން މަގުގައި އާންމު ދަތުރުފަތުރަށާއި ޕަބްލިކް ޓްރާންސްޕޯޓަށް ދަތިވާގޮތަށް ގަވައިދާ ހިލާފަށް ޕާކުކޮށްފައިވާ އުޅަނދުތައް ޓޯކުރުމުގެ މަސައްކަތްތައް ކުރިއަށް ގެންދާނެކަމަށެވެ.
އެ މުއައްސަސާއިން ބުނެފައިވާގޮތުން މިއީ މާލޭގެ މަގުތަކުގެ ސަލާމަތާއި ރައްކައުތެރިކަން ކަށަވަރުކުރުމުގެ ގޮތުން ކުރިއަށް ގެންދާ މަސައްކަތްތަކެކެވެ. އެހެންކަމުން މިކަމަށް އާންމުން ދެއްވާ އެއްބާރުލުމަށް ޝުކުރު ދަންނަވާކަމަށެވެ.
