ކުނި އުކާ އުޅަނދުތަކުން ނަގާ ގޭޓް ފީގެ އަގު އަގު ވޭސްޓު މެނޭޖްމަންޓް ކޯޕަރޭޝަން (ވެމްކޯ) އިން ދަށް ކޮށްފިއެވެ.
ވޭސްޓް މެނޭޖްމަންޓް ކޯޕަރޭޝަންއިނެ އިއްޔެ ނެރުނެ އިއުލާނެއްގައި ބުނެފައިވަނީ ރަށްރުގައި އަދި ސިޓީތަކުގައި ގާއިމުކުރެވިފައިވާ ވެމްކޯގެ ހިދުމަތް ތަކުގެ ތެރެއިން ކުނި އުކާ ސެންޓަރުތަކުން ނަގާ ގޭޓް ފީ ގެ އަގަށް ހެޔޮބަދަލެއް ގެންނަން ނިންމައިފި ކަމަށެވެ.
މީގެ ކުރިން ގޭޓް ފީގެ ގޮތުގައި ނަގަމުން ކޮންމެ ޓަނަކަށް 212ރ. އެވެ. ނަމަވެސް މި ބަދަލާ އެކެ ގޭޓް ފީގެ އަގު 106ރ. އަށް މިވަނީ ވެއްޓިގެން ގޮސްފައެވެ.
މި ބަދަލަށް ޖަނަވަރީ 1ން ފެށިގެން އަމަލު ކުރަން ވަނީ ފަށާފައެވެ.
މުޅި ރާއްޖޭގައި ވެސް ވެމްކޯއިން ދޭ ހިދުމަތް އެއްހަމައަކުން، ނުވަތަ އެއް އުސޫލަކުން އަގުކުރެވި ހިދުމަތް ދެވޭގޮތް ކަށަވަރުކުރުމަށްފަހުގައި ނޫނީ އަގުނުނަގާނެ ކަމަށް ވެމްކޯއިން ވަނީ އިއުލާނުކޮށްފައެވެ.
