ބޯކޮށް ވާރޭވެހި މާލޭގެ މަގުތަކުގައި ފެން ބޮޑުވެގެން، ފެން ހިންދުމަށް އެމްއެންޑީއެފް ފަޔަރ އެންޑް ރެސްކިޔު ސަރވިސްއިން ޙަރަކާތްތެރިވާން ފަށައިފިއެވެ.
އެމްއެންޑީއެފުން ބުނީ، މާލޭގެ 6 ސަރަހައްދެއްގައި ޕަންޕު ބަހައްޓައިގެން މަސައްކަތް ކުރަމުންދާ ކަމަށެވެ.
އޭގެ ތެރޭގައި ހިމެނެނީ ވެސްޓްޕާކް 7 ޕަމްޕް، އައިޖީއެމްއެޗް ސަރަހައްދު 3 ޕަމްޕް، މާފަންނު ފެރީ ޓާމިނަލް 3 ޕަމްޕް، ކުޑަކުދިންގެ ބަގީޗާ 1 ޕަމްޕް އަދި ބައެއް އިތުރު ސަރަޙައްދުތަކުގައި ބެހެއްޓިފައިވާ ޕަމްޕުތަކެވެ.
އެމްއެންޑީއެފުން ބުނީ، ހޮނިހިރު ދުވަހުގެ ހެނދުނު 10:00 އާއި ހަމައަށް 19812 ޓަނު ގެ ފެން ހިއްކިފައިވާ ކަމަށެވެ.
މީގެއިތުރުން އެމްއެންޑީއެފް މާލޭ އޭރިއާ ކޮމާންޑުން މިހާތަނަށް 104 ގެއަކަށް އެހީތެރިކަން ފޯރުކޮށްދީ، 528 ވެލިބަސްތާ ޖަހައިދީފައިވެއެވެ.
