މި އަހަރުގެ ފުރަތަމަ ކްރޫޒް ލައިނާރ ރާއްޖެ އައިސްފައިވާކަމަށް އިމިގްރޭޝަނުން ބުނެފިއެވެ.
އިމިގްރޭޝަނުން މައުލޫމާތު ދީފައިވާގޮތުން އެ މުއައްސަސާއިންވަނީ ކްރޫޒް ލައިނާރ އިން ރާއްޖެއަށް އައި ފަތުރުވެރިންނަށް އެންރޫޓް ކްލިއަރެންސް ދިނުމުގެ މަސައްކަތްތައް ނިންމާލާފައެވެ.
މި މަސައްކަތްތައް ކުރިއަށް ގެންގޮސްފައިވަނީ އެ މުއައްސަސާގެ ސީޕޯޓް ޑިވިޝަންގެ އޮފިސަރުންކަމަށްވާއިރު 216 ފަސިންޖަރުންނަށް ކްލިއަރެންސް ދީފައިވާކަމަށްވެސް ހިއްސާކޮށްފައިވެއެވެ.
ފަސިންޖަރުންގެ އިތުރުން އެ އުޅަނދުގައި ދަތުރުކުރި 416 ކްރޫ މެމްބަރުންގެ އެންރޫޓް ކްލިއަރެންސް މަސައްކަތްތައްވެސް ކުރިއަށް ގެންދިޔަކަން އިމިގްރޭޝަނުން ހާމަކޮށްފައިވެއެވެ.
ރާއްޖެއަށް މި އަހަރު އެންމެ ފުރަތަމަ އައިސްފައިވަނި ކްރިސްޓަލް ސިމްފަނީ ކިޔާ ކްރޫޒް ލައިނަރެއްކަމަށްވާއިރު މިއީ ސީޝެލްސްއިން ރާއްޖެއަށް އައިސްފައިވާ އުޅަނދެއްކަން ހިއްސާކޮށްފައިވެއެވެ.
