އިދިކޮޅު އެމްޑީޕީގެ އެކްޓިވިސްޓެއްގެ ގޮތުގައި ސޯޝަލް މީޑިއާގައި މަޝްހޫރު އަހުމަދު ރަޝީދު (ދޮންކޮޅު) އެ ޕާޓީ ދޫކޮށް ސަރުކާރުގެ މައި ޕާޓީ ޕީއެންސީއާއި ގުޅުމުން ރައީސުލްޖުމްހޫރިއްޔާ ޑރ. މުހައްމަދު މުއިއްޒު މަރުހަބާ ވިދާޅުވެއްޖެ އެވެ.
ޕީއެންސީއަށް އަހުމަދު ރަޝީދު ސޮއިކޮށް، ފޯމު ހަވާލުކުރީ ރައީސް މުއިއްޒުއަށެވެ. އެކަމަށް ހާއްސަކޮށް މުލިއާގޭގައި އޮތް ބައްދަލުވުމުގައި ޕީއެންސީގެ ޗެއާޕާސަން އަބްދުއްރަހީމް އަބްދުﷲ އާއި ޕާޓީގެ ޕާލިމަންޓްރީ ގުރޫޕުގެ ލީޑަރު އިބްރާހިމް ފަލާހު ބައިވެރިވެޑައިގަތެވެ.
އަހުމަދު ރަޝީދު ޕީއެންސީއަށް ސޮއި ކުރުމުން، އެކަމަށް ޕާޓީން ވެސް ވަނީ މަރުހަބާ ކިޔާފަ އެވެ.
