ފެނަކައިގެ ހިދުމަތްދޭ 151 ރަށެއްގައި އިމަރޖެންސީ ރެސްޕޮންސިވް ޓީމް އެކުލަވައިލައިފިއެވެ.
މޫސުމާއި ބެހޭ ގައުމީ އިދާރާއިން ނެރެފައިބާ ބަޔާނެއްގައި ބުނެފައިވަނީ ރާއްޖޭގެ އެކި ސަރަހައްދުތަކަށް ކުރިއަށް އޮތް ހަފްތާގެ ތެރޭގައި މޫސުން ގޯސްވެ ވިއްސާރަ ކުރާނެ ކަމަށެވެ.
އެހެންކަމުން ދިމާވެދާނެ ކަންކަމަށް ދުރާލާ ތައްޔާރު ވުމަށް ފެނަކައިގެ ބްރާންޗް ތަކުގައި އެކުލަވާލެވިފައިވާ ކުއްލި ހާލަތްތަކަށް އިޖާބަދޭ ޓީމްތައް ރަށްރަށުގައި ހަރަކާތްތެރިވާ މުއައްސަސާތަކާއި ގުޅިގެން ހަރަކާތްތެރިވުމަށް ތައްޔާރީ ހާލަތުގައި ތިބި ކަމަށް ބަޔާނުގައި ވެއެވެ.
އެހެންކަމުން އެކުލަވާލައިފައިވާ ޓީމްތަކުގައި ޖުމްލަ 2311 މެމްބަރުން ހަރަކާތްތެރިވަމުން ދާނެ ކަމަށް ވެސް ބަޔާނުގައި ވެއެވެ. އެހެންކަމުން މިފަދަ ކޮންމެ ހާލަތެއްގައިވެސް ރައްޔިތުންނާއި ގާތުން ރައްޔިތުންނަށް އެހީތެރިކަން ފޯރުކޮށް ދިނުމުގައި ދެމިތިބޭނެ ކަމުގެ ޔަގީންކަންދޭ ކަމަށް ބަޔާނުގައި ވެއެވެ.
