މެދު ރާއްޖެތެރެ އާއި އުތުރުގެ އެކި ހިސާބަށް ގުގުރުމާއެކު ބޯކޮށް ވާރޭ ވެހޭނެކަމަށް މޫސުމާބެހޭ ގައުމީ އިދާރާ (މެޓް) އިން ލަފާކޮށްފިއެވެ.
މެދުރާއްޖެތެރެ އާއި އުތުރުގެ އަތޮޅުތަކަށް ބޯކޮށް ވާރޭވެހޭނެ ކަމަށް ލަފާކުރެވޭތީ މެޓުން ވަނީ ސަމާލުވުމަށް އިލްތިމާސްކޮށްފައެވެ.
ދެކުނުގެ ރަށްތަކާއި ގުޅޭ ގޮތުން މެޓުން ބުނީ ބައެއް ރަށްތަކަށް ކެރީގެ އަސަރު ފޯރާނެކަމަށެވެ.
ދެކުނުގެ އަތޮޅުތަކަށް ގަޑިއަކު އަށް މޭލާއި 18 މޭލާ ދެމެދުގެ ބާރުމިނުގައި ވައި ޖެހޭނެކަމަށް މެޓުން ބުންޏެވެ. ވައި ޖެހޭނީ ހުޅަނގުއުތުރާއި އުތުރުން އަދި އެހެން ހިސާބުތަކުގައި އުތުރާއި އިރުއުތުރުންކަމަށް ބުންޏެވެ. ގަޑިއަކު ގާތްގަނޑަކަށް 30 މޭލަށް ވައި ގަދަވާނެކަމަށް ލަފާކޮށްފައިވެއެވެ.
ކަނޑުތައް އާދައިގެ ވަރަކަށް ގަދަވެފައި ވިލާގަނޑުގައި ގަދަވާނެކަމަށް މެޓުން ބުންޏެވެ.
