68.4 އިންސައްތައިން ދައުލަތުގެ ޖުމުލަ ހަރަދުތައް ދަށްކުރެވިފައިވާކަން ފިނޭންސް މިނިސްޓްރީގެ ތަފާސްހިސާބުތަކުން ދައްކައިފިއެވެ.
ފިނޭންސް މިނިސްޓްރީން މިއަހަރުގެ ޖެނުއަރީ މަހުގެ 16 ވަނަ ދުވަހާ ހަމައަށް ދައުލަތުގެ ބަޖެޓުން ކުރެވުނު ޚަރަދުތަކާއި ލިބުނު އާމްދަނީގެ ތަފްޞީލީ މަޢުލޫމާތު ޢާންމުކޮށްފައިވެއެވެ. މި މަޢުލޫމާތުތަކުން ދައްކާގޮތުގައި:
1. ބަޖެޓުން ޚަރަދުކުރެވިފައިވަނީ ޖުމްލަ 261.4 މިލިއަން ރުފިޔާއެވެ. މިއީ ފާއިތުވި އަހަރުގެ މި މުއްދަތުގައި ޚަރަދުކުރެވުނު 828.4 މިލިއަން ރުފިޔާއާ އަޅާބަލާއިރު ވަރަށް ބޮޑު ތަފާތެކެވެ.
2. ގްރާންޓްތައް ހިމަނައިގެން ޖުމްލަ އާމްދަނީގެ ގޮތުގައި 725 މިލިއަން ރުފިޔާ ލިބިފައިވެއެވެ. މިއީ ރިކަރަންޓް ޚަރަދުތަކާ އަޅާބަލާއިރު 177.7 އިންސައްތައިގެ އިތުރު އަދަދެކެވެ.
3. މުސާރައާއި އިނާޔަތްތަކުގެ އިތުރުން ޕެންޝަން ދިނުމަށް ކުރެވުނު ޚަރަދުތައް ވަނީ ދަށްވެފައެވެ. މިގޮތުން މިއަހަރު 4.4 މިލިއަން ރުފިޔާ ޚަރަދުކުރެވިފައިވާއިރު، ފާއިތުވި އަހަރު 6.1 މިލިއަން ރުފިޔާ ޚަރަދުކުރެވިފައިވެއެވެ.
4. އިދާރީ އަދި ހިންގުމުގެ މަސައްކަތްތަކަށް ކުރެވުނު ޚަރަދުތައްވެސް ވަނީ ބޮޑުތަނުން ކުޑަކުރެވިފައެވެ. މިއަހަރު 256.6 މިލިއަން ރުފިޔާ ޚަރަދުކުރެވިފައިވާއިރު، ފާއިތުވި އަހަރު 651.6 މިލިއަން ރުފިޔާ ޚަރަދުކުރެވިފައިވެއެވެ.
5. ލޯނު އަނބުރާ ދެއްކުމަށް 122 މިލިއަން ރުފިޔާ ޚަރަދުކުރެވި، ސޮވްރިން ޑިވެލޮޕްމަންޓް ފަންޑަށް 17.8 މިލިއަން ރުފިޔާ ޖަމާކުރެވިފައިވެއެވެ.
6. ޖީ.އެސް.ޓީ އަދި ޓީ.ޖީ.އެސް.ޓީގެ ގޮތުގައި ލިބުނު އާމްދަނީ ވަނީ އިތުރުވެފައެވެ. ޖީ.އެސް.ޓީގެ ގޮތުގައި 98.1 މިލިއަން ރުފިޔާ (61.35% އިތުރުވުން) އަދި ޓީ.ޖީ.އެސް.ޓީގެ ގޮތުގައި 124.9 މިލިއަން ރުފިޔާ (41.13% އިތުރުވުން) ލިބިފައިވެއެވެ.
7. ތަމްރީނު ޕްރޮގްރާމްތަކަށް ކުރެވުނު ޚަރަދު އިތުރުވެ، ދަތުރުފަތުރުގެ ޚަރަދުތައް ވަނީ ދަށްވެފައެވެ.
8. އާސަންދައިގެ ޚިދުމަތްތަކަށް ކުރެވުނު ޚަރަދު ވަނީ އިތުރުވެފައެވެ. މިއަހަރު 31.3 މިލިއަން ރުފިޔާ ޚަރަދުކުރެވިފައިވާއިރު، ފާއިތުވި އަހަރު 19.7 މިލިއަން ރުފިޔާ ޚަރަދުކުރެވިފައިވެއެވެ.
މި ތަފާސްހިސާބުތަކުން ދައްކާގޮތުގައި، ސަރުކާރުން ޚަރަދުތައް ކުޑަކުރުމަށް މަސައްކަތްކުރަމުންދާއިރު، އާމްދަނީ އިތުރުކުރުމަށްވެސް ސަމާލުކަން ދެމުންދާކަން ފާހަގަކުރެވެއެވެ.
