ޓޫރިޒަމް މިނިސްޓަރުކަމުން ފައިސަލް ވަކިކުރައްވައިފި

މިގޮތުން، އުވާލެވުނު މިނިސްޓްރީ އޮފް ހައުސިންގ، ލޭންޑް އެންޑް އަރބަން ޑިވެލޮޕްމަންޓުގެ މަސްއޫލިއްޔަތުތަކުގެ ތެރެއިން ބިން ބޭނުންކުރުމާއި، އަރބަން ސަރަޙައްދުތައް ތަރައްޤީކުރުމާއި، ޤައުމީ ތަރައްޤީ ރޭވުމާއި، ތަފާސްހިސާބާ ގުޅޭ މަސައްކަތްތައް މިހާރު ހަވާލުކުރެވިފައިވަނީ މިނިސްޓްރީ އޮފް ފިނޭންސް އެންޑް ޕްލޭނިންގއާއެވެ.އެންމެ ފަހުން ގެނެވުނު ބަދަލުތަކުގެ ތެރޭގައި ހިމެނެނީ ހަޔަރ އެޑިޔުކޭޝަން މިނިސްޓްރީ، ކޮންސްޓްރަކްޝަން މިނިސްޓްރީ، ހައުސިންގ މިނިސްޓްރީ އަދި އެނިމަލް ވެލްފެއަރ މިނިސްޓްރީއެވެ. ހައުސިންގ މިނިސްޓްރީއާއި ކޮންސްޓްރަކްޝަން މިނިސްޓްރީ އެއްކޮށްލުމަށްފަހު، އޭގެ ހިންގުން ހަވާލުކުރެވިފައިވަނީ ކުރީގެ ކޮންސްޓްރަކްޝަން މިނިސްޓަރު ޑރ. ޢަބްދުﷲ މުއްޠަލިބާއެވެ.

ކުރީގެ ހައުސިންގ މިނިސްޓަރު ޑރ. ޢަލީ ޙައިދަރު މިހާރު ހަވާލުވެވަޑައިގެންފައިވަނީ ހަޔަރ އެޑިޔުކޭޝަން މިނިސްޓަރުކަމުގެ މަޤާމާއެވެ. އަދި ފިނޭންސް އާއި ޕްލޭނިންގ މިނިސްޓްރީ އެއްކޮށްލުމަށްފަހު، އެ މަޤާމަށް އައްޔަންކުރައްވާފައިވަނީ މޫސާ ޒަމީރެވެ.

ކުރީގެ ހަޔަރ އެޑިޔުކޭޝަން މިނިސްޓަރު ޑރ. މަރްޔަމް މާރިޔާ މިހާރު ހަވާލުވެވަޑައިގެންފައިވަނީ އެގްރިކަލްޗަރ އެންޑް އެނިމަލް ވެލްފެއަރ މިނިސްޓަރުކަމުގެ މަޤާމާއެވެ.