ދިރާގުގެ ވިން އަ ސްޕީޑް ބޯޓް ލަކީޑްރޯގެ ގުރުއަތު ނެގުން މިރޭ ކުރިއަށް ގެންދިއުމަށް އެ ކުންފުނިން ނިންމައިފިއެވެ.
ދިރާގުން އާންމުކޮށްފައިވާގޮތުން މިރޭގެ 20:30 އިން ފެށިގެން މި ލަކީޑްރޯގެ ހަރަކާތްތައް ކުރިއަށް ދާނެއެވެ. އަދި ނަސީބުވެރި ފަރާތަކަށް އަލް ޝާލީ މެރީން މެގެލަން 32 ސްޕީޑް ބޯޓެއް ލިބިވަޑައިގަންނަވާނެކަމަށް ބުނެފައިވެއެވެ. މި އުޅަނދުގައި ޔަމާހާގެ 172 ހޯސްޕަވަރުގެ ޓްވިން އިންޖީނު ހަރުކޮށްފައި ހުންނާނެކަމަށާއި ހަރަކާތްތައް ކުރިއަށް ގެންދާނީ ހުޅުމާލޭގެ ސެންޓްރަލް ޕާކުގައިކަމަށް ބުނެފައިވެއެވެ.
މި އިވެންޓުގައި ލައިވް މިއުސިކްވެސް ހިމެނޭއިރު ޕްރޮމޯޝަންގެ ކާމިޔާބު ފާހަގަކުރުން ކުލަގަދަ ގޮތެއްގައި ކުރިއަށް ގެންދާނެކަންވެސް ހިއްސާކޮށްފައިވެއެވެ.
