މަޝްހޫރު ލަވަކިޔުންތެރިޔާ މެޒޯ މުހައްމަދު ނިޔާވެއްޖެ އެވެ.
އޭނާ ނިޔާވެފައިވަނީ ބުދަ ދުވަހުގެ ވަގުތެއްގައެވެ.
އޭނާ ނިޔާވީ ހާލު ދެރަވެގެން އައިޖީއެމްއެޗްގައި ފަރުވާދެމުން ދަނިކޮށެވެ. ނިޔާވިއިރު އޭނާގެ އުމުރަކީ 59 އަހަރެވެ.
މެޒޯއަކީ ދިވެހިންގެ މެދުގައި މަޤްބޫލު ފަންނާނެކެވެ. އޭނާ ކިޔާފައިވާ މަޝްހޫރު ލަވަތަކުގެ ތެރޭގައި ”އުޑުން ތަރިތައް“، ”އެޅި މި ކަނޑުމަތި“، ”ޖިސްމު“، ”ވިސްނާ ވިސްނާ“ ފަދަ ގިނަ ލަވަތަކެއް ހިމެނެއެވެ.
މެޒޯއަކީ އަމިއްލަ ރާގުގެ ގިނަ ލަވަތަކެއްވެސް އުފައްދާފައިވާ މިއުޒިޝަނެކެވެ. އޭނާއަކީ މަޝްހޫރު ލަވަކިޔުންތެރިޔާ މީރާ މުޙައްމަދު މާޖިދުގެ ބައްޕައެވެ.
