ކަނޑު މަގުން އެތެރެކުރަން އުޅުނު 6.7 މިލިއަން ރުފިޔާގެ މަސްތުވާތަކެތި އަތުލައިގަނެވިފައިވާކަމަށް ކަސްޓަމްސްއިން ބުނެފިއެވެ.
ކަސްޓަމްސް ސާވިސަސްއިން މައުލޫމާތު ދީފައިވާގޮތުން އެ މުއައްސަސާއިން މިއަދު އަތުލައިގެންފައިވާ މަސްތުވާތަކެތީގެ ޝިޕްމެންޓުގެ ތެރޭގައި ތިން ބާވަތެއް ހިމެނެއެވެ. އެގޮތުން 2138 ގްރާމްގެ މެތުއެމްފެޓަމިން އަދި 1086 ގްރާމް ކީޓަމިންގެ އިތުރުން 310 ގްރާމް ހެރޮއިން އަތުލައިގަނެވިފައިވާކަމަށް މައުލޫމާތު ދީފައިވެއެވެ.
އެ މުއައްސަސާއިން ބުނެފައިވާގޮތުން 3.5 ކިލޯގްރާމްގެ ބަރުދަން ހުރި މި ޝިޕްމެންޓުގެ މަގުމަތީ އަގު 6.7 މިލިއަން ދިވެހި ރުފިޔާއަށް އަރާކަމަށެވެ.
