ރާއްޖޭގައި ވިޔަފާރި އުސޫލުން ދަނޑުވެރިކަމުގައި ހަރަކާތްތެރިވެ އުޅޭ ފަރާތްތައް ދެނެގަތުމަށްޓަކައި މިނިސްޓަރ އޮފް އެގްރިކަލްޗަރ އެންޑް އެނިމަލް ވެލްފެއަރ މިނިސްޓްރީއިން ދަފްތަރެއް އެކުލަވާލުމަށް ނިންމައިފިއެވެ.
އެގޮތުން މަޢުލޫމާތު ނެގުމަށް ހަމަޖެހިފައިވަނީ މިވަގުތު ދަނޑުވެރިކަމުގައި ވިޔަފާރި އުސޫލުން ދަނޑުހައްދާ، ކުދި ޖަނަވާރު އަދި ކުކުޅު ގެންގުޅޭ، ގަސް ހައްދާ ވިއްކާ ފަރާތްތަކުގެ މެދުގައެވެ. އަދި ވިޔަފާރި އުސޫލުން މިމަސައްކަތް ކުރުމަށް ޝައުޤުވެރިވެލައްވާ ފަރާތްތަކާއި އެކުއެވެ.
އެހެންކަމުން ދަނޑުވެރިކަމުގައި ހަރަކާތްތެރިވާ އަދި ހަރަކާތްތެރިވުމަށް ޝައުޤުވެރިވާ ފަރާތްތައް 10 އޭޕްރީލް 2025 ވަނަ ދުވަހުގެ ކުރިން އެ މިނިސްޓްރީއަށް މެއިލްއިން ފޯމު ހުށައެޅުމަށް ވަނީ އެދިފައެވެ. މު ހުށަހަޅައިދެއްވުން އެދެމެވެ.
މި ދަފްތަރުގައި މިވަގުތު މީހުން ދިރިއުޅޭ ރަށްތަކުގައި ދަނޑުވެރިކަން ކުރަމުން އަންނަ އަމިއްލަ ފަރުދުން ހިމެނިވަޑައެއް ނުގަންނަވާނެކަމަށް މިނިސްޓްރީއިން މައުލޫމާތުދެއެވެ.
އިތުރު މަޢުލޫމާތު ބޭނުންފުޅުވެލައްވާނަމަ އެ ވުޒާރާގެ އީމެއިލް އެޑްރެސްއަށް މެއިލްކުރެއްވުމަށް ވަނީ އެދިފައެވެ.
