ރިޕަބްލިކް އޮފް ސެނެގާލްގެ މިނިވަންދުވަހުގެ މުނާސަބަތުގައި އެ ޤައުމުގެ ޚާރިޖީ ވަޒީރު ޔަސިން ފޯލްއަށް، ޚާރިޖީ ވަޒީރު ޑރ. ޢަބްދުﷲ ޚަލީލް ތަހުނިޔާގެ މެސެޖެއް ފޮނުއްވައިފިއެވެ.
މިނިސްޓަރުގެ މެސެޖުގައި ވަނީ ރިޕަބްލިކް އޮފް ސެނެގާލްގެ މިނިވަން ދުވަހުގެ އުފާވެރި މުނާސަބަތުގައި، ދިވެހި ސަރުކާރާއި ދިވެހި ރައްޔިތުންގެ ނަމުގައި އެ ކަމަނާއަށާއި ސެނެގާލްގެ ރައްޔިތުންނަށް ތަހުނިޔާއާއި ހެޔޮއެދުންތައް އަރިސްކުރާކަމަށެވެ.
މި ފުރުޞަތުގައި، އެ ކަމަނާއަށް ދުޅަހެޔޮ ޞިއްޙަތާއި ސެނެގާލްގެ ރައްޔިތުންނަށް އިތުރު ކުރިއެރުމާއި އުފާފާގަތިކަން ލިބުމަށް މިނިސްޓަރު ވަނީ އެދިވަޑައިގެންފައެވެ.
އެކަމަނާއަށް ކުރާ މަތިވެރި ގަދަރު އާކޮށް، އެކަން ޔަޤީންކޮށް އެރުވާކަމަށް މިނިސްޓަރު ވަނީ ފާހަގަކުރައްވާފައެވެ.
