ރަސްމީދަތުރުފުޅެއްގައި ފޮރިން މިނިސްޓަރު ޑރ. އަބްދުﷲ ޙަލީލު ކުވައިތަށް ފުރާވަޑައިގަންނަވަންނަވާއިފިއެވެ.
މިކަމާއި ގުޅިގެން ފޮރިން މިނިސްޓްރީން ބުނެފައިވަނީ، މި ދަތުރުފުޅަކީ، ކުވައިތުގެ ފޮރިން މިނިސްޓަރު، އަބްދުﷲ އަލީ އަލް-ޔަހްޔާގެ ދައުވަތުވަތަކަށް ކުރައްވާ ދަތުރުފުޅެއްކަމަށެވެ.
މިނިސްޓްރީން ބުނެފައިވަނީ، މި ދަތުރުފުޅުގައި ފޮރިން މިނިސްޓަރު ޑރ. ހަލީލްއާއި ކުވައިތުގެ ފޮރިން މިނިސްޓަރުގެ ދެމެދުގައި މަޝްވަރާކުރުމާއިއެކު، ކައިރި މުސްތަގުބަލުގައި ދެގައުމުގެ ދެމެދުގައި އޮތް ގުޅުމާއިއެކު ހާސިލުކުރެވޭނެކަންތައްތަކާ މެދު ވާހަކަދައްކެވިގެންދާނެކަމަށެވެ.
މީގެއިތުރުން، ކުވައިތުގެ މިނިސްޓަރު އޮފ ކޮމާސް އެންޑް އިންޝަސްރީއާއި މިނިސްޓަރ އޮފް ފައިނޭންސްއާއިވެސް ބައްދަލުކުރެއްވުމަށް ވަނީ ހަމަޖެހިފައިވާއިރު، ކުވައިތު ސަރުކާރުގެ މަތީ މަގާމުގައި ހުންނަވާ އެހެނިހެން ފަރާތްތަކާއިއެކު ބައްދަލުކޮށް، ދެގައުމުގެ ދެމެދުގައި އޮތް އިގްތިސާދީ ގުޅުން ވަރުދަކުރުމާއިއެކު، އިންވަސްޓްމެންޓު އިތުރުކުރުމަށްޓަކައި މަޝްވަރާކުރެވޭނެކަމަށްވެސް މިނިސްޓްރީން ބުނެފައިވެއެވެ.
މި ފަތުރުފުޅުގައި މިނިސްޓަރު ޑރ. ހަލީލާއިއެކު އެ މިނިސްޓްރީގެ ޖޮއިންޓް ސެކަޓަރީ ޙަދީޖާ ނަޖީހާ އަދި ޕޮލިޓިކަލް ޑައިރެކްޓަރު ފާތިމަތު ނަސްހާ އިސްމާއިލުވެސް ބައިވެރިވެވަޑައިގަންނަވާނެކަމަށް އެ މިނިސްޓްރީން ބުނިއެވެ.
