ކުރިއަށް އޮތް އީދު ބަންދާއި ދިމާކޮށް މޯލްޑިވިއަން އިން 111 ފްލައިޓު އެޅުމަށް ނިންމައިފިއެވެ.
އައިލެންޑް އޭވިއޭޝަނުން އާންމުކޮށްފައިވާގޮތުން މޯލްޑިވިއަންއިން ދަތުރުތައް ކުރާ ހުރިހާ މަންޒިލަކަށްވެސް މި މަހުގެ 1 ވަނަ ދުވަހުން 15 ވަނަ ދުވަހަށް ހާއްސަކޮށްގެން ފްލައިޓުތަކުގެ އަދަދު ވަނީ އިތުރުކޮށްފަ އެވެ.
މި އަހަރުގެ ބޮޑު އީދުގައި ބަންދު ދުވަސްތަކާއި ދިމާކޮށް އެންމެ ގިނަ ދަތުރުތައް މޯލްޑިވިއަން ކުރާނީ ލ. ކައްދޫއަށެވެ.
ކޮންމެ އީދެއްގައިވެސް ޑިމާންޑަށް ބަލައި، މޯލްޑިވިއަންގެ ދަތުރުތައް އިތުރުކުރާކަން ފާހަގަކުރެވެއެވެ. މިގޮތުން ފިތުރު އީދު ދުވަހާއި ދިމާކޮށް ވެސް އިތުރު 30 ދަތުރު ކޮށްފައިވެއެވެ.
