މޯލްޑިވްސް ބްރޯޑްކާސްޓިން ކޮމިޝަނުގެ ސެކްރެޓެރީ ޖެނެރަލްގެ މަގާމަށް ކުރިމަތިލުމުގެ ފުރުސަތު ހުޅުވާލައިފިއެވެ.
ކޮމިޝަނުން ކުރި އިއުލާނެއްގައި އެ މަގާމަށް ކުރިމަތިލާ މީހެއްގެ ގައިގައި ހުންނާންޖެހޭ ޝަރުތުތަކާއި، އެ މަގާމުގެ މަސްއޫލިއްޔަތުތައް އަދި މަގާމަށް އެދި ހުށަހަޅާއިރު ހުށަހަޅަންޖެހޭ ތަކެތީގެ ތަފުސީލު ވަނީ އާންމުކޮށްފައެވެ.
އެ މަގާމަށް ކުރިމަތިލުމުގެ ސުންގަޑިއަކީ ޖޫން 23، ވާ ހޯމަ ދުވަހުގެ މެންދުރު 1:00 އެވެ.
މަގާމަށް ކުރިމަތިލާއިރު، މައުލޫމާތު ފުރިހަމަނުވާ އެޕްލިކޭޝަންތައް ބާތިލް ކުރެވޭނެކަމަށް ކޮމިޝަނުން ބުންޏެވެ.
ބްރޯޑްކޮމްގެ އެސްޖީގެ މަގާމު ހުސްވީ އެ މަގާމުގައި ހުންނެވި މަރިޔަމް ޒީނިޔާ މެއި 25، ގައި އެ މަގާމުން ވަކިކުރުމުންނެވެ
ސަބަބެއް ބަޔާން ކުރުމެއް ނެތި ޒީނިޔާ ސަސްޕެންޑު ކުރުމާ ގުޅިގެން ހަޅުތާލު ކުރުމުގެ ގޮތުން މަސައްކަތް ހުއްޓާލުމަށްފަހު ބްރޯޑްކޮމްގެ މުވައްޒަފުން ގެއަށްވެސް ދިޔައެވެ. އެއަށްފަހު އެ ކޮމިޝަނުގެ އައިޓީ އޮފިސަރު، އަހުމަދު ފަޒީލްވެސް ސަސްޕެންޑުކުރިއެވެ.
