ޝައިހް އިބްރާހިމް ފަރީދު އަހްމަދުގެ ޖަނާޒާގެ ކަންކަން މޭލޭޝިޔާގައި ކުރިއަށް ގެންދަން ޢާއިލާއިން ނިންމައިފިއެވެ.
ޝައިޚް ފަރީދު އަވަހާރަވެފައިވަނީ ޚިދުމަތް ޖަމިއްޔާގެ ރަސްމީ މަސައްކަތެއްގައި މެލޭޝިޔާއަށް ވަޑައިގެން އެއާޕޯޓުގައި ހުންނަވަނިކޮށެވެ.
އާއިލާއާ ހަވާލާދީ ޝެއިހް ފަރީދާއިއެކު މެލޭޝިޔާއަށް ދިޔަ ޓީމުގެ މެންބަރަކު މީގެ ކުރިން ބުނީ އާއިލާ އިން ބޭނުން ވަނީ ޝެއިހްގެ ހަށިގަނޑު މާލެ ގެނެސް ޖަނާޒާގެ ކަންކަން މާލޭގައި ބޭއްވުމަށް ކަމަށެވެ.
އެހެންނަމަވެސް، ޝައިޚް ފަރީދުގެ ހަށިގަނޑު، ރާއްޖެއަށް ގެންނަނަމަ، ޕޯސްޓްމޯޓަމްވެސް ހަދަންޖެހޭއިރު، ޕޯސްޓްމޯޓަމް ހެދުމަކީ ޝައިޚް ފަރީދު އަބަދުވެސް އިންކާރު ކުރައްވާ ކަމަކަށްވުމުން މެލޭޝިޔާގައި، ޝެއިޚްގެ ޖަނާޒާ ކުރިއަށް ގެންދާ ގޮތަށް، ޢާއިލާއިން ނިންމާފައިވާ ކަމަށް މަޢުލޫމާތުލިބެއެވެ.
ޝެއިހް ފަރީދަކީ ދީނީ ގޮތުން ދިވެހީން ހޭލުންތެރި ކުރުވުމަށް ގިނަގުނަ މަސައްކަތްތަކެއް ކުރެއްވި ބޭފުޅެކެވެ. މިގޮތުން މާލޭގައާއި އަތޮޅުތެރޭގައިވެސް ގިނަގުނަ ދަރުސްތައްދެއްވާފައިވާކަން ފާހަގަކުރެވެއެވެ.
ޝެއިހް ފަރީދު ނިޔާވުމާއި ގުޅިގެން ރައީސުލްޖުމްހޫރިއްޔާ ޑރ. މުއިއްޒުގެ އިތުރުން އާއްމުންގެ ގިނަ ބަޔަކު އަންނަނީ އެކަމުގެ ހިތާމަފާޅުކޮށް އާއިލާއަށް ތަޢުޒިޔާ ކިޔަމުންނެވެ.
