ންގްލަދޭޝްއަށް ނިސްބަތްވާ ދެ ފިރިހެނަކު ހޯދުމަށް ނޯޓިސްއެއް އިމިގްރޭޝަނުން ނެރެފިއެވެ. މި ދެމީހުން ވީތަނެއް ނޭނގި ގެއްލިފައިވާ ކަމަށް ބެލެވެއެވެ.
އިމިގްރޭޝަނުން އެކްސް (ކުރީގެ ޓްވިޓަރ) ގައި ޝާއިޢުކުރި ނޯޓިސްގައި ހޯދަން އުޅޭ ދެމީހުންނަކީ އުމުރުން 31 އަހަރުގެ މުޙައްމަދު ޖޮވެލް މިއާ އާއި އުމުރުން 32 އަހަރުގެ އެމްޑީ ޗޯޓަން މިއާ އެވެ.
އިމިގްރޭޝަނުން މި ދެމީހުންނަށް ވަނީ ކުރިއަށް އޮތް ފަސް ދުވަހުގެ ތެރޭގައި އެ އިދާރާގެ ރަސްމީ ގަޑިކަމުގައިވާ ހެނދުނު 8:00 އިން މެންދުރުފަހު 14:00 އާ ދެމެދު އިމިގްރޭޝަން އޮފީހަށް ހާޒިރުވުމަށް އަންގާފައެވެ.
މި ދެމީހުންނާ ބެހޭ އެއްވެސް މަޢުލޫމާތެއް އާންމު ފަރާތްތަކަށް ލިބިފައިވާނަމަ، އެ މަޢުލޫމާތު risk@immigration.gov.mv އަށް އީމެއިލް ކުރުމަށް ނުވަތަ 91999017 ނަންބަރު ފޯނަށް ގުޅައި އެންގުމަށް އިމިގްރޭޝަނުން ވަނީ އެދިފައެވެ.
ބިދޭސީން ވީނުވީއެއް ނޭނގި ގެއްލިގެން ހޯދުމަށް އިމިގްރޭޝަނުން މިފަދަ ނޯޓިސްތައް ނެރުމަކީ އާންމު ކަމެކެވެ. މިފަދަ ހާލަތްތަކުގައި އާންމު ރައްޔިތުންގެ އެއްބާރުލުން ހޯދުމަށް އިމިގްރޭޝަނުން މަސައްކަތްކުރެއެވެ.
