\
އަސާސީ ކާބޯތަކެއްޗަކީ އިންސާނުންގެ ދިރިއުޅުމުގައި އެންމެ މުހިންމު އެއްބައެވެ. އިންސާނުންގެ ހަށިގަނޑު ހެދިބޮޑުވެ، ދުޅަހެޔޮ ސިއްހަތެއްގައި ދެމިތިބުމަށް ކޮންމެހެން ބޭނުންވާ މައިގަނޑު ކާބޯތަކެތި ހެޔޮ އަގެއްގައި ލިބުމަކީ ކޮންމެ ރައްޔިތަކުވެސް އެދޭނެ ކަމެކެވެ. މިކަމަށް އަލިމަގެއް ފެނިގެން ދިޔައީ އެސްޓީއޯއިން 15 އޮކްޓޯބަރ 2023 ގައި އަސާސީ ކާބޯތަކެތީގެ ގޮތުގައި 23 ބާވަތެއް ވިއްކަން ފެށުމާއި އެކުގައެވެ.
މިހާރު ބާޒާރަށް ނެރެ ވިއްކަން ފަށާފައިވާ 23 ބާވަތާއި އެސްޓީއޯ ޕީޕަލްސް ޗޮއިސްގެ އަގުތައް:-
| މޭވާ
|
ތަރުކާރީ |
| · ދޮންކެޔޮ | · ފިޔާ |
| · އާފަލު | · އިނގުރު |
| · އޮރެންޖު | · ކެރެޓު |
| · ލުނބޯ | · ބަށި |
| · ޖުމްހޫރީމޭވާ | · ކައްޓަލަ |
| · އަނބު | · އަލުވި |
| · ފަޅޯ | · ކެބެޖު |
| · ކަރާ | · ބަރަބޯ |
| · މިރުސް | · ބޯވެލި |
| · މޭބިސްކަދުރު | · ލޮނުމެދު |
އެހެނިހެން 3 ބާވަތުގެ ކާބޯތަކެތި
- ރީނދޫ މުގު
- ކުކުޅު ބިސް
ކާށި
އަގުތައް ކަނޑައެޅިފައިވާ ގޮތް
އެސްޓީއޯއިން މި ބާވަތްތަކުގެ އަގުތައް ކަނޑައަޅާފައިވަނީ ބާޒާރުގެ އަގުތަކަށް ރިއާޔަތްކޮށެވެ. އަދި ބާޒާރުގެ އަގުތަކަށް އަންނަ ބަދަލުތަކާ އެއްގޮތަށް މި އަގުތަކަށްވެސް ބަދަލު ގެނެވޭނެއެވެ. ރައްޔިތުންނަށް ފަސޭހައިން އަގުތައް ބެލޭނެ ގޮތް ހަމަޖެއްސުމުގެ ގޮތުން އިޤްތިޞާދީ ވުޒާރާގެ ”އަގުމަގު“ ޕޯޓަލް މެދުވެރިކޮށް އެންމެ ފަހުގެ އަގުތައް ބެލޭނެ އިންތިޒާމު ހަމަޖައްސާފައިވެއެވެ.
ލިބެންހުންނާނެ ތަންތަން
މި ހުރިހާ ބާވަތެއްވެސް އެސްޓީއޯ ހޯލްސޭލް ސެންޓަރުންނާއި އެސްޓީއޯ ޕީޕަލްސް ޗޮއިސްގެ ފިހާރަތަކުން ލިބެން ހުންނާނެއެވެ. އަދި ބާޒާރުގައި މި ކާބޯތަކެއްޗަށް އޮންނަ ޑިމާންޑަށް ބަލައި، މި ތަކެތި ފަސޭހައިން ލިބޭނެ މަގު ފަހިކޮށްދިނުމަށްޓަކައި އިތުރު ފިޔަވަޅުތަކެއް އެޅުމަށް މަޝްވަރާކުރެވެމުންދާކަން ފާހަގަކުރެވެއެވެ.
ރައްޔިތުންނަށް ލިބޭ ފައިދާ
މި މަޝްރޫޢުގެ ސަބަބުން ރައްޔިތުންނަށް ގިނަގުނަ ފައިދާތަކެއް ކުރާނެއެވެ. އޭގެ ތެރޭގައި އަސާސީ ކާބޯތަކެތި އެކަށީގެންވާ އަގެއްގައި ލިބުމާއި، ކާބޯތަކެތީގެ ރައްކާތެރިކަން ކަށަވަރުވުމާއި، އަދި ދުޅަހެޔޮ ސިއްހަތެއްގައި ދިރިއުޅުމަށް ބޭނުންވާ ކާނާ ފަސޭހަކަމާއެކު ލިބުން ހިމެނެއެވެ.
އެސްޓީއޯގެ މި މަސައްކަތަކީ ސިއްހަތަށް ފައިދާހުރި ކާބޯތަކެތި އެކަށޭނަ އަގެއްގައި ރައްޔިތުންނަށް ފޯރުކޮށްދިނުމަށް އަޅާފައިވާ މުހިންމު ފިޔަވަޅެކެވެ. މި މަޝްރޫޢުގެ ސަބަބުން ރައްޔިތުންގެ ދިރިއުޅުމުގެ ފެންވަރު މަތިވެ، އިޤްތިޞާދީ ގޮތުން ލުއިފަސޭހަކަން ލިބިގެންދާނެކަން ކަށަވަރެވެ. އަދި މިއީ ދިވެހި ސަރުކާރުން ރައްޔިތުންގެ ދުޅަހެޔޮކަމަށް ދެއްވާ އަހައްމިއްޔަތުކަމުގެ ހެއްކެކެވެ.
