މަޖިލިސް އިންތިހާބާއި ދިމާކޮށް ރައްޔިތުންނަށްވީ ވައުދުތައް އަނެއްކާވެސް ތަކުރާރު ކުރުމުން، އެއީ ސަރުކާރަށް ކުރިޔަށް ގެންދެވިދާނެ މަސައްކަތެއްތޯ ރައްޔިތުން ސުވާލު އުފައްދާނެކަމަށް އައްޑޫ މަރަދޫ ދާއިރާގެ މެމްބަރު އަހުމަދު ދީދީ ވިދާޅުވެއްޖެ އެވެ.
ދީދީ ވިދާޅުވީ މީގެކުރިން ވެސް ރައްޔިތުންގެ މަޖިލީހުގެ އިންތިހާބާ ދިމާކޮށް ބޮޑެތި މަޝްރޫއުތައް ފެށުނުކަމަށް ރައްޔިތުންނަށް ދެއްކުމަށް ފަހު، އެ ޕްރޮޖެކްޓުތަކަށް އެއްވެސް ކުރިއެރުމެއް ނުލިބި ހުރީ ހުއްޓިފައި ކަމަށެވެ. އަނެއްކާވެސް އިންތިހާބަކާއި ގާތްވުމުން މިއަދު އަލުން އެ ވާހަކަތައް ދެއްކުމުން ރައްޔިތުން އެކަން ގަބޫލުކުރަންވީ ކޮން ސަބަބަކާއި ހުރެތޯ ސުވާލު އުފެއްދި އެވެ.
ދީދީ ވިދާޅުވި ގޮތުގައި، އަންނަ އަހަރަށް ލަފާކުރާ ބަޖެޓުގައި ވެސް މާބޮޑު ކުރިއެރުމެއް ލިބޭނެކަމަށް ބެލެވެން ނެތެވެ. އަދި ވިދާޅުވީ ސަރުކާރުން ތަކުރާރުކޮށް ބުނަމުން ދިޔައީ ތަރައްގީގެ އަހަރަކަށް ތައްޔާރުވުމަށް ނަމަވެސް އެފަދަ މަސައްކަތެއް އަމަލީ ގޮތުން ފެށޭތަން ނުފެންނަކަމަށެވެ.
ދީދީ ވަނީ ރިޔާސީ އިންތިހާބުގެ ދުވަސްވަރުގައި ރައީސް ފާހަގަކުރެއްވި ފެހި ސިގްނަލް މެދުވެރިކޮށް ލިބުނު އެއްވެސް ކުރިއެރުމެއް އެބައޮތްތޯ ސުވާލު އުފައްދާފަ އެވެ.
ރައީސުލްޖުމްހޫރިއްޔާ އަތޮޅުތަކަށް ކުރެއްވި ދަތުރުފުޅުތަކުގައި އެތައް މަޝްރޫއުތަކެއްގެ ބިންގާ އަޅުއްވައިދެއްވައި، މަޝްރޫއުތައް ފެށުމަށް ސޮއިކުރިއިރު މިއީ ނިމޭނެ މަސައްކަތްތަކެއްތޯ އޭނާ ސުވާލު އުފެއްދެވި އެވެ.
ދީދީ ވިދާޅުވީ މީގެތެރޭގައި ފެށިދާނެކަމާއި މެދު ނުވަތަ ފައިދާއެއްވާނެކަމާއި މެދު ސުވާލު އުފެދޭ އެއާޕޯޓު މަޝްރޫއުތައް ހިމެނޭ ކަމަށެވެ.
މީގެއިތުރުން އައްޑޫ ބްރިޖް މަޝްރޫއުއާއި ގުޅޭ އެއްބަސްވުމެއްގައި 2024 ވަނަ އަހަރުގެ ފެބްރުއަރީ މަހު ސޮއިކޮށް، 2025 ވަނަ އަހަރު ނިމޭއިރު ވެސް އެ މަޝްރޫއުގެ ކުރިއެރުމެއް ލޮލަށް ނުފެންނަނަމަ، ރައްޔިތުން އެކަން ގަބޫލުކުރާނެ ގޮތަކާ މެދު ދީދީ ވަނީ ސުވާލު އުފައްދަވާފައެވެ. އަދި ކުރީގެ އެއްބަސްވުމަށްވީ ގޮތާއި، އަލަށް އެކުލަވާލީ ވެސް ކޮން އެއްބަސްވުމެއްކަން އައްޑޫގެ ރައްޔިތުންނަށް ސާފު ނުވަކަމަށް ވިދާޅުވި އެވެ.
މީގެއިތުރުން އައްޑޫ ހަނގެޑެ ޕްރޮޖެކްޓާއި މެދު ވެސް ދީދީ ކަންބޮޑުވުންފާޅު ކުރެއްވި އެވެ. އެ މަޝްރޫއު ވެސް ރައްޔިތުންގެ މަޖިލީހުގެ އިންތިހާބާ ދިމާކޮށް ހަވާލުކުރެވުނު އެ މަސައްކަތުގެ ވެސް މާބޮޑު ތަފްސީލެއް ނެތްކަމަށް ދީދީ ވިދާޅުވި އެވެ.
ދީދީ ވިދާޅުވި ގޮތުގައި ރައްޔިތުންގެ އެންމެ ބޮޑު ކަންބޮޑުވުމަކީ، މަޝްރޫއުތައް ހުއްޓިފައި ކުރިއަށް ނުދިއުމެވެ. ބައެއް މަޝްރޫއުތައް އަހަރު ފަހުން އިތުރު ކުންފުންޏަކާ ހަވާލުކުރެވުނު ނަމަވެސް، އެ މަސައްކަތްތަކަށް ވާނުވާއެއް ނޭނގޭކަމަށް ދީދީ ފާހަގަކުރެއްވިއެވެ. ރައްޔިތުން މިހާރު އެންމެ ބޮޑަށް ބޭނުންވެފައިވަނީ ފެނާއި ނަރުދަމާގެ މައްސަލަ ހައްލުވެ، ކަރަންޓުގެ މައްސަލައަށް ދާދި އަވަހަށް ހައްލެއް އައުން ކަމަށް ވެސް ދީދީ ވިދާޅުވިއެވެ.
ރައްޔިތުންގެ ޓެކްސް ފައިސާ ވާނުވާއެއް ނޭނގޭ ގޮތަށް ހަރަދުކުރާއިރު، ބަޖެޓު ހަރަދުކުރާ ގޮތުގެ އެއްވެސް ތަފްސީލެއް ނެތްކަމަށް ދީދީ ވިދާޅުވި އެ
