ރާއްޖެއަށް ކުރިމަތިވެފައި އޮތް އެންމެ ބޮޑު އެއް މައްސަލައަކީ، އަދުލު އިންސާފު ނުލިބުން ކަމަށް، ރައްޔިތުންގެ މަޖިލީހުގެ ކެންދޫ ދާއިރާގެ މެމްބަރު މައުރޫފު ޒާކިރު ވިދާޅުވެއްޖެއެވެ.
މައުރޫފު މިހެން ވިދާޅުވީ، އަދުލު އިންސާފު ގާއިމުކުރުމުގެ ބާރުން ރައްޔިތުންގެ މެދުގައި ތަފާތުކުރުން ގެންގުޅޭކަން ފާހަގަކޮށް، ގަލޮޅު ދެކުނު ދާއިރާގެ މެމްބަރު މީކާއީލު އަޙްމަދު ނަސީމް މަޖިލީހަށް ހުށަހެޅުއްވި ގަރާރަށް ބަހުސް ކުރައްވަމުންނެވެ.
މެމްބަރު މައުރޫފު ވިދާޅުވީ، ރާއްޖޭގެ އަދުލު އިންސާފުގެ ނިޒާމުގައި ހުރި މައްސަލަތަކާއި ގުޅިގެން މަޖިލީހުގެ ތަޅުމުގައި ވާހަކަ ދެއްކުމަކީ ވަރަށް ހިތްހަމަޖެހޭ ކަމެއް ކަމަށެވެ. އަދި، އަދުލު އިންސާފު ލިބުމުގައި ރައްޔިތުންގެ މެދުގައި ތަފާތުކުރުން އޮތް ކަން ރައްޔިތުން ގަބޫލުކުރާ ކަމަށާއި، އެއީ ރައްޔިތުންގެ މެދުގައި އޮތް ވަރަށް ބޮޑު ކަންބޮޑުވުމެއް ކަމަށް އޭނާ ފާހަގަކުރެއްވިއެވެ.
މައުރޫފު ފާހަގަކުރެއްވި ގޮތުގައި، މީކާއީލު ހުށަހެޅުއްވި ގަރާރަށް ބަހުސް ކުރެއްވި ހުރިހާ މެމްބަރުންވެސް ދެއްކެވީ ރަނގަޅު ވާހަކަތަކެކެވެ. އެގޮތުން، ކޮންމެ މެމްބަރެއްގެ ވާހަކައިންވެސް ދޭހަވަނީ ރާއްޖޭގެ ކޮންމެވެސް ސަރަހައްދެއްގައި ކޮންމެވެސް މިންވަރަކަށް އަދުލު އިންސާފު ނުލިބޭ ކަމެވެ.
މައުރޫފު ވިދާޅުވީ، އަދުލު އިންސާފު ގާއިމުވުމަށް ހުރި ގޮންޖެހުންތަކުގެ މައްޗަށް ބަހުސްކޮށް، ރަނގަޅު ނަތީޖާއެއް ނެރުމަކީ ރައްޔިތުންގެ މަޖިލީހުގެ މެމްބަރުންގެ ބޮލުގައި އެޅިފައިވާ ޒިންމާއެއް ކަމަށެވެ.
އަދުލު އިންސާފުގެ ދާއިރާގެ މައްސަލަތަކުގެ ފުޅާކަން ބަޔާންކުރައްވަމުން މައުރޫފު ވިދާޅުވީ، ފަނޑިޔާރު ގެއިން އިންސާފު ނުލިބުމަކީ އެކަނި އަދުލު އިންސާފު ނުލިބުމެއް ނޫން ކަމަށެވެ. އަދުލު އިންސާފު ނެތްކަމުގެ ވާހަކަ މުޅި ގައުމާއި، ގޭތެރާއި، އާއިލާތެރޭގައި، އަދި ޕާޓީގެ ތެރޭގައިވެސް ދައްކަން ޖެހޭ ކަމަށް އޭނާ ވިދާޅުވިއެވެ. އެހެންކަމުން، މެމްބަރު މީކާއީލު ހުށަހެޅުއްވީ މިކަމަށް ވަރަށް މުނާސަބު ގަރާރެއް ކަމަށް މައުރޫފު ފާހަގަކުރެއްވިއެވެ.
ބަހުސްގެ ތެރޭގައި، އަދުލު އިންސާފުގެ ގަރާރަކީ ބޭކާރު ގަރާރެއް ކަމަށް ބުނެ، އަދި އަދުލު އިންސާފުގެ ނިޒާމު ގަޑުބަޑު ވެގެން ދިޔުމުގެ ފަހަތުގައި ވަނީ ޑިމޮކްރަސީގެ ސަބަބުން ކަމަށް ވިދާޅުވި މެމްބަރަކަށް އިޝާރާތްކުރައްވައި މައުރޫފު ވިދާޅުވީ، އެ މެމްބަރަށް މަޖިލީހުގެ ތަޅުމުގައި މިފަދަ ގަރާރަކަށް ބަހުސް ކުރުމުގެ ފުރުސަތު ލިބިގެންދިޔައީ ޑިމޮކްރަސީގެ ހަމަހަމަ އުސޫލުން ކަންކަން ކުރުމުގެ ފުރުސަތު އަށަގެންނުވީތީ ކަމަށެވެ. ޑިމޮކްރަސީން ލިބޭ ފައިދާ، އަނެއް ބަޔަކު އޭގެ އެންމެ މޮޅު ގޮތުގައި ބޭނުންކުރަން އޮންނަ އެއްޗެއް ނޫން ކަމަށް އޭނާ އިތުރަށް ވިދާޅުވިއެވެ.
މެމްބަރު މައުރޫފު ޒާކިރު ވަނީ، އަނެއްކާވެސް ރާއްޖެއަށް ކުރިމަތިވެފައި އޮތް އެންމެ ބޮޑު އެއް މައްސަލައަކީ، އަދުލު އިންސާފު ނެތުން ކަން ތަކުރާރުކޮށް ވިދާޅުވެފައެވެ. އަދި މި މައްސަލަ ހައްލުކުރުމަށް މަޖިލީހުން މަސައްކަތްކުރުމުގެ މުހިންމުކަން އޭނާ ފާހަގަކުރެއްވިއެވެ.
