މޯލްޑިވްސް ޙައްޖު ކޯޕަރޭޝަންގެ ނަމުގައި އޮޅުވާލައިގެން މެސެޖުތަކެއް ފޮނުވަމުންދާކަމަށް އެ ކޯޕަރޭޝަނުން ބުނެފިއެވެ.
ޙައްޖަށް ދިޔުމަށް އިތުރަށް ފައިސާ ދެއްކުމުން ޙައްޖު ދަތުރުގެ ޖާގަ ކަށަވަރުވާނެކަމަށް ބުނެ އޮޅުވާލައިގެން ފައިސާ ހޯދުމަށް މޯލްޑިވްސް ޙައްޖު ކޯޕަރޭޝަންގެ ނަމުގައި އާންމުންގެ ފޯނުތަކަށް މެސެޖުކުރަމުންދާކަމަށް ހައްޖުކޯޕަރޭޝަނުން ވަނީ ބުނެފައެވެ. ދިވެހިރާއްޖެއިން ޙައްޖަށް މީހުން ގެންދިއުމަށް މޯލްޑިވްސް ޙައްޖު ކޯޕަރޭޝަނުން ކަނޑައަޅާފައިވާ އަގުގެ އިތުރަށް މި ކޯޕަރޭޝަނުން އެއްވެސް ފައިސާއެއް ނުނަގާނެ ކަމަށްވެސް އެ ކޯޕަރެޝަނުންވެސް އެވަނީ ބުނެފައެވެ.
އިސްލާމްދީނުގެ މާތް އަޅުކަމަކާ ގުޅުވައި މަަކަރާއި ހީލަތުން ފައިސާ ހޯދުމަށް ކުރަމުންދާ ކަންކަމަކީ އެކޯޕަރޭޝަނުން އިންތިހާއަށް ކަންބޮޑުވެ ހިތާމަކުރާ ކަމެއްކަމުގައި ފާހަގަކޮށް، އެކަން އެންމެ ހަރުކަށި އިބާރާތުން ވަނީ ކުށްވެރިކޮށްފައެވެ.
ހައްޖު ކޯޕަރޭނުން ވަނީ މަކަރާއި ޙީލަތުން ފައިސާ ހޯދުމަށް ފޮނުވާ މިފަދަ މެސެޖުތަކާއި، ކުރާ ފޯނުކޯލުތަކަށް ސަމާލުވުމަށް އެދިފައެވެ.
