ޑްވޭން ޖޯންސަން، ރޮކް މަރުވި ކަމަށް ބުނެ ފެތުރެނީ ފޭކް ޚަބަރެއް ކަން ހާމަވެއްޖެއެވެ.
ބީބިސީގެ ލޯގޯ އާއި އެކު ޚަބަރުގައި ބުނެފައި ވަނީ 47 އަހަރުގައި ރޮކް މަރުވެފައި ވަނީ ސްޓަންޓެއް ޖައްސަން އުޅުމުގެ ތެރޭގައި ކަމަށެވެ.
ފާސްއެންޑް ފިއުރިއަސް ފަދަ މަޤްބޫލް އެތައް ފިލްމެއް ކުޅެފައިވާ ރޮކް މަރުވިކަމަށް ބުނެ ދޮގު ޚަބަރުތަކެއް 2011 އާއި 2014ގައި ވެސް ފެންމަތިވިއެވެ.
ބީބީސީ ފަދަ މަޤްބޫލް ނޫސް ޗެނަލްއެއްގެ ލޯގޯ ބޭޏުންކޮށްގެން ޚަބަރެއް ފެތުރުމުން އެތައް ބައެއްގެ ފާޑުކިޔުމާއި އެ ސްޓޭޝަނަށް ވަނީ ކުރިަމތިލާން ޖެހިފައެވެ.
ރޮކް ވެސް އޭނާގެ ޕީއާރްޓީމުން ވެސް މިހާތަނަށް މި ޚަބަރު ފެތުރި ފަރާތާއި މެދު ފިޔަވަޅު އެޅުމަށް އެއްވެސް ވާހަކައެއް ދައްކާފައެއް ނުވެއެވެ. އެހެންނަމަވެސް ކަށަވަރު ކުރުމަކާއި ނުލާ ރޮކް ފަދަ މަޤްބޫލް މީހަކު މަރުވި ޚަބަރު ލިޔުނީ ފަސޭހައިން މަޤްބޫލްކަން ހޯދުމަށް ކަމަށް ބުނެ އެތައް މިލިއަން ބަޔަކު ދަނީ ފާޑުކިޔަމުންނެވެ.
