މޯލްޑިވްސް މަނިޓަރީ އޮތޯރިޓީ (އެމްއެމްއޭ) ގެ އައު އޮފީސް އިމާރާތުގެ ކޮންސެޕްޓުގެ މަސައްކަތް ކޮށްދޭނެ ފަރާތެއް ހޯދުމަށް އިއުލާނުކޮށްފި އެވެ.
އެމްއެމްއޭއިން ނެރުނު އިއުލާނެއްގައި ވަނީ، އެ އިދާރާގެ އައު އޮފީސް އިމާރާތުގެ ކޮންސެޕްޓުގެ މަސައްކަތް ކޮށްދިނުމަށް، ޝައުގުވެރިކަން ހުރި ފަރާތްތަކުން ރަޖިސްޓްރީވުމުގެ ފުރުސަތު ހުޅުވާލައިފައިވާ ކަމަށެވެ.
މި މަސައްކަތްކުރުމަށްޓަކައި، ހުށަހެޅުމުގެ ފުރުސަތު ހުޅުވާލެވިފައި ވަނީ، 2026 ޖަނަވަރީ، 14 ވަނަ ދުވަހުގެ ނިޔަލަށް ކަމަށް އެމްއެމްއޭއިން ހާމަކުރިއެވެ. އަދި، މި މަސައްކަތަށް ބޭނުންވާ ބީލަން ހުށަހެޅުމުގެ ފުރުސަތު ދީފައިވަނީ، މަސައްކަތަށް ޝައުގުވެރިކަން ފާޅުކުރުމަށް ކަނޑައެޅިފައިވާ މުއްދަތުގެ ކުރިން، ރަޖިސްޓްރީވާ ފަރާތްތަކަށް އެކަނި ކަމަށް އެމްއެމްއޭގެ އިއުލާނުގައިވެއެވެ.
އެމްއެމްއޭގެ އޮފީސް އިމާރާތް އެޅުމުގެ މަސައްކަތް އެމްއެމްއޭއިން ކުރުމަށް ހަމަޖެހިފައިވަނީ، އެ އިދާރާ މިވަގުތު ބޭނުންކުރާ އިމާރާތް ހުންނަ ސަރަހައްދު ކާރުބާރު ބޮޑުވުމުގެ ސަބަބުންނެވެ. އަދި، އެހެނިހެން އިމާރާތްތަކާއި، އެމްއެމްއޭގެ އިމާރާތް އެއްވެ ނުވަތަ އިންވެ ހުރުމުގެ ސަބަބުން، އެމްއެމްއޭގެ ސަލާމަތީ ކަންކަން އެންމެ ފުރިހަމަ ގޮތަށް ނުބެލެހެއްޓުމުގެ ސަބަބުންނެވެ.
އެމްއެމްއޭގެ އައު އޮފީސް އިމާރާތް ތަރައްގީކުރުމަށް ހަމަޖެހިފައިވަނީ، އެ އިދާރާއިން 210 މިލިއަން ރުފިޔާއަށް ގަނެފައިވާ ބިމެކެވެ. އެގޮތުން، މި ބިމަކީ، 43،000 އަކަފޫޓުގެ ބޮޑު ބިމެކެވެ
މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ހުޅުމާލޭގައި ތަރައްގީކުރާ އެ އިދާރާގެ އާ އޮފީހުގެ އިމާރާތުގެ ކޮންސެޕްޓް ތައްޔާރުކޮށްދޭނެ ބަޔަކު ހޯދުމަށް މިއަދު އިއުލާންކޮށްފި އެވެ.
