ވެލާނާ އިންޓަނޭޝަނަލް އެއާޕޯޓުގެ އާ ޓާމިނަލަށް ވަންނަން ދިޔަ ބޭންކެއްގެ މުވައްޒަފުންތަކެއް އަތުން ފައިސާތަކެއް ފޭރިގަތުމަށް ފަހު، ފިލި މައްސަލައިގެ ތުހުމަތަށް އިތުރު މީހަކު ހައްޔަރު ކޮށްފިއެވެ.
މި މައްސަލައިގެ ތުހުމަތުގައި 13 ޖެނުއަރީ 2026 ވަނަ ދުވަހު، ކޯޓު އަމުރެއްގެ ދަށުން ހައްޔަރުކޮށްފައިވަނީ އުމުރުން 30 އަހަރުގެ ރ. މަޑުއްވަރި، މީޒާން އިސްމާޢީލް ސިރްޙާންއެވެ.
މީޑިއާތަކަށް ފޮނުވި މެސެޖުގައި ފުލުހުން ބުނެފައިވަނީ އޭނާގެ ބަންދާމެދު ގޮތެއް ނިންމުމަށް ކޯޓަށް ހާޒިރު ކުރުމުން 30 ދުވަހަށް އޭނާ ބަންދު ކުރުމަށް އަމުރުކޮށްފައިވާކަމަށެވެ.
27 އޮކްޓޯބަރު 2025 ވަނަ ދުވަހު ފަތިހު އެއާޕޯޓުގައި ހިންގި ފޭރުމުގެ މައްސަލައިގެ ތުހުމަތުގައި މިހާތަނަށް ޖުމްލަ 8 މީހަކު ހައްޔަރުކޮށްފައިވާކަމަށްވެސް ފުލުހުން މައުުލޫމާތުދެޢެވެ. މި އެންމެންވެސް މިހާރު ބަންދުގައި ތިބިއިރު މި މައްސަލައިގެ ތަހުގީގު ފުރިހަމަކުރުމަށް ކުރަންޖެހޭ މަސައްކަތްތައް ފުލުހުންދަނީ ކުރަމުންނެވެ.
މިދިޔަ އަހަރުގެ ނޮވެމްބަރު މަހުގެ 27 ވަނަ ދުވަހު އެ މީހުން ޑޮލަރު ފޭރިގެންފައިވަނީ ޓެކްސީއެއްގައި އެއާޕޯޓަށް ގޮއްސައެވެ. ބީއެމްއެލްގެ މުވައްޒަފުން ގެންދިޔަ އެ ބްރީފްކޭސް ފޭރިގެން އެމީހުން އެއާޕޯޓުން ދިޔައީ ލޯންޗެއްގައެވެ. އެ މައްސަލައިގައި ހަމަ އެދުވަހު އެ ލޯންޗު ހޯދައި، ބައެއް މީހުން ހައްޔަރުވެސް ކުރިއެވެ.
ފޭރިގަތް ބްރީފްކޭހުގައި ލައްކައެއްހާ ޑޮލަރު ހުރި ކަމަށް މައުލުމާތު ލިބުނު ނަމަވެސް އެ ފައިސާ ހޯދިފައިވާ ކަމާއި އެއީ ކިހާ އަދަދެއްގެ ފައިސާ ކަމެއް ފުލުހުން ހާމަކޮށްފައެއް ނުވެއެވެ.
