ހެންލީ ޕާސްޕޯޓް އިންޑެކްސްގައި އެއް ދަރަޖަ ކުރިއަށް ޖެހިލައި ދެކުނު އޭޝިއާގެ އެންމެ ބާރުގަދަ ޕާސްޕޯޓުގެ ގޮތުގައި ޖެހިޖެހިގެން ހަތް ވަނަ ފަހަރަށް ރާއްޖޭގެ ޕާސްޕޯޓް، ހިމެނިއްޖެ އެވެ.
މިއީ އިންޓަނޭޝަނަލް އެއާ ޓްރާންސްޕޯޓް އެސޯސިއޭޝަން (އަޔާޓާ) ގެ މައުލޫމާތުތަކަށް ބިނާކޮށްގެން ހަދާ ލިސްޓެކެވެ.
ހެންލީ ޕާސްޕޯޓު އިންޑެކްސްގައި 199 ޕާސްޕޯޓުގެ ތެރެއިން ރާއްޖެ ހިމެނެނީ 52 ވަނައިގައިކަމަށްވާއިރު، ރާއްޖޭގެ ޕާސްޕޯޓުގައި ވިސާއާ ނުލައި 92 ގައުމަކަށް ދަތުރުކުރެވެއެވެ.
މިދިޔަ އަހަރު ރާއްޖެ އޮތީ 53 ވަނައިގައިކަން ފާހަގަކޮށްލެވެއެވެ. މިއީ ދެކުނު އޭޝިއާގެ އެހެން ގައުމުތަކާ އަޅާބަލާއިރު ވަރަށް ބޮޑު ފަރަގެކެވެ. ދެކުނު އޭޝިއާގެ ގައުމުތަކުގެ ތެރެއިން ދެން އެންމެ ކުރީގައި އޮތް އިންޑިއާ އޮތީ ލިސްޓުގައި ހިމެނޭ 101 ގައުމުގެ ތެރެއިން 80 ވަނައިގައެވެ. އެ ޕާސްޕޯޓުގައި ވިސާއާ ނުލައި ދަތުރުކުރެވެނީ 55 ގައުމަކަށެވެ. ތިންވަނައިގައި އޮތް ބޫޓާންގެ ޕާސްޕޯޓުގައި 50 ގައުމަކަށް ވިސާއާ ނުލައި ދަތުރުކުރެވެއެވެ. އެއީ 85 ވަނައިގައި ހިމެނިގެންނެވެ. ލަންކާ ހިމެނެނީ އޭގެ ފަހަތުންނެވެ.
ގައުމުގެ ޕާސްޕޯޓުގައި 39 ގައުމަކަށް ވިސާއާ ނުލައި ދަތުރުކުރެވެއެވެ.
އެންމެ ބާރުގަދަ ޕާސްޕޯޓުގެ މަގާމު މި ފަހަރުވެސް ދަމަހައްޓާފައިވަނީ 192 ގައުމަކުން އޮންއެރައިވަލް ވިސާ ލިބޭ ސިންގަޕޫރުގެ ޕާސްޕޯޓެވެ. ޖަޕާނާއި ސައުތު ކޮރެއާ ދެ ވަނައިގައި ހިމެނޭއިރު ތިން ވަނަ ލިބިފައިވަނީ ޔޫރަޕްގެ ފަސް ގައުމަކަށެވެ.
