އެހެން ސިޔާސީ ޕާޓީތަކާ ހިލާފަށް، ޕީޕަލްސް ނޭޝަނަލް ކޮންގްރެސް (ޕީއެންސީ) އަކީ ވަރަށް ތަފާތު ސިޔާސަތުތަކަކާއި ވިސްނުންތަކެއް ގެންގުޅޭ ޕާޓީއެއް ކަމަށް އެ ޕާޓީގެ ޕީޖީ ލީޑަރު އަދި ކެމްޕެއިން މެނޭޖަރު އިބްރާހިމް ފަލާހް ވިދާޅުވެއްޖެއެވެ.
ޕީއެންސީގެ މާފަންނު ކެމްޕެއިން އިފްތިތާހުކުރުމަށް ބޭއްވި ޖަލްސާގައި ވާހަކަފުޅު ދައްކަވަމުން ފަލާހު ވިދާޅުވީ، ގައުމެއްގެ ހަމަޖެހުމާއި، އަމާންކަމާއި އަދި ކުރިއެރުމަށް އެންމެ މުހިންމު ތިން ކަމަކީ ހަމަޖެހުމާއި، ރައްކާތެރިކަމުގެ އިތުރުން ތަރައްގީ ކަމަށެވެ. ޕީއެންސީގެ ސިޔާސަތުތައް ބިނާވެފައިވަނީ މި އަސާސްތަކުގެ މައްޗަށް ކަމަށް އޭނާ ފާހަގަކުރެއްވިއެވެ.
ރާއްޖޭގައި ގިނަ ސިޔާސީ ޕާޓީތަކެއް ހަރަކާތްތެރިވަމުންދާކަން ފާހަގަކުރައްވައި ފަލާހު ވިދާޅުވީ، މިފަހަރުގެ އިންތިހާބުގައި މައިގަނޑު ގޮތެއްގައި ވާދަކުރަނީ ދެ ޕާޓީއެއް ކަމަށެވެ. އެއީ ޕީއެންސީ އާއި އެމްޑީޕީ ކަމަށާއި، ބައެއް އެހެން ޕާޓީތަކުން ކުރިމަތިލާފައިވަނީ އެންމެ 4 ވަރަކަށް މެންބަރުން ކަމަށްވެސް އޭނާ ވިދާޅުވިއެވެ.
ކެނޑިޑޭޓުންނާ ގުޅޭގޮތުން ވާހަކަދައްކަވަމުން ފަލާހު ވިދާޅުވީ، އެއްވެސް އަމިއްލަ ކެނޑިޑޭޓަކަށް ޕީއެންސީން ތާއިދު ނުކުރާނެ ކަމަށާއި، އަދި އެ ޕާޓީގެ އެއްވެސް ކެނޑިޑޭޓަކު އަމިއްލަ ގޮތުން އިންތިހާބުގައި ވާދަނުކުރައްވާނެ ކަމަށެވެ. ”ބައެއް ކެނޑިޑޭޓުންނަށް ހީވެފައި އޮންނަނީ އަމިއްލަ ގޮތުން އިންތިހާބު ކާމިޔާބުކޮށްފައި، ކޮންމެވެސް އަމިއްލަ ބޭނުމެއްގައި ޕާޓީއަކާ ގުޅިދާނެ ކަމަށް،“ ފަލާހު ވިދާޅުވިއެވެ.
ފަލާހުގެ ވާހަކަފުޅު ނިންމަވާލެއްވީ ޕީއެންސީގެ ތަފާތު ވިސްނުމާއި ސިޔާސަތުތަކަށް އަލިއަޅުވާލައްވަމުންނެވެ. އޭނާ ވިދާޅުވީ އެހެން ޕާޓީތަކާ ހިލާފަށް ޕީއެންސީން ގެންގުޅޭ ހަރުދަނާ ސިޔާސަތުތަކަކީ ގައުމަށް އެންމެ ފައިދާހުރި ގޮތް ކަމަށެވެ.
