ގއ. ކަނޑުހުޅުދޫގައި ޖިންސީ ގޯނާގެ ޝިކާރައަކަށްވި އުމުރުން އެންމެ ދެ އަހަރުގެ ކުޑަ ކުއްޖާގެ ހައްގުގައި އެކި ފަރާތްތައް ޖަވާބުދާރީކުރުވަން ރައްޔިތުންގެ މަޖިލީހުން މަސައްކަތް ކުރައްވާނެ ކަމަށް ރައްޔިތުންގެ މަޖިލީހުގެ ރައީސް ރައީސް މުހައްމަދު ނަޝީދު ވިދާޅުވެއްޖެއެވެ.
އެ މައްސަލައިގައި ރައީސް ނަޝީދު ކުރެއްވި ޓުވީޓެއްގައި ވިދާޅުވީ މިއީ ވަރަށް ބޮޑު ލަދުވެތި ކަމެއް ކަމަށެެވެ.
https://twitter.com/MohamedNasheed/status/1218504760807968768
ކުޑަކުދިންގެ ޙައްޤުތައް ރައްކާތެރި ކުރުމަށް، ރައްޔިތުންގެ މަޖިލީހުން ކުރަންޖެހޭ ހުރިހާ ކަމެއް ފަސްޖެހުމެއްނެތި، ކުރާނެކަމުގެ ޔަޤީންކަން އަރުވާ ކަމަށް ބުނެ، މަޖިލީހުގެ އިދާރާއިން ކުރައްވާފައިވާ ޓްވީޓެއް ރިޓްވީޓްކުރައްވަމުން ނަޝީދު ވިދާޅުވީ، ތުއްތު ކުއްޖަކު އޭނާގެ މުނިކާފަ އަދި ބައްޕަގެ ޖިންސީ ޝިކާރައަކަށް ވުމަކީ އިންތިހާއަށް ކަންބޮޑުވުން ހުރި ލަދުވެތިކަމެއް ކަމަށާއި މިކަމާއި ގުޅިގެން އެކިއެކި ފަރާތްތަކަށް ޖަވާބުދާރީ ކުރުމަށް ރައްޔިތުންގެ މަޖިލީހުން މަސައްކަތް ކުރައްވާނެ ކަމަށެވެ.
ދެ އަހަރުގެ ކުއްޖާ އަށް ޖިންސީ ގޯނާ ކުރިކަމުގެ ތުހުމަތު އަދި ކުރަނީ އެކަކަށެވެ. އެއީ އެކުއްޖާގެ ކާފަ ކަމަށް ފުލުހުން ބުނެއެވެ.
