އއ. މާޅޮސް ކައިރި އޮތް ސަފާރިއަކުން ޑައިވިން އަށް ފޭބި ބިދޭސީއެއް މަރުވެއްޖެއެވެ.
ފުލުހުން ބުނީ، މަރުވެފައި ވަނީ، އުމުރުން 71 އަހަރުގެ ޖަރުމަން އަންހެނެކެވެ. އެމީހާ މާޅޮސް ހޮސްޕިޓަލަށް ގެންދިޔަ އިރު ވެސް މަރުވެފައިވާ ކަމަށާއި ހާދިސާ ހިނގައިގެން ފުލުހަށް ރިޕޯޓުކޮށްފައި ވަނީ މިއަދު ހެނދުނު 08:45 ހާއިރު ކަމަށް ވެސް ފުލުހުން މައުލޫމާތު ދެއެވެ.
ފުލުހުން ބުނީ، މިހާދިސާ ފުލުހުން ތަހުގީގުކުރަމުން އަންނަ ކަމަށެވެ.
މި މައްސަލައާ ގުޅޭ އިތުރު ތަފްސީލެެއް ފުލުހުންނެއް ހިއްސާއެއް ނުކުރެ އެވެ.
