ހުޅުމާލެ ބާބަކިއު ސަަރަހައްދު (ހުޅުމާލޭ ބާބަކިއު ޕޮއިންޓް) މިއަދުން ފެށިގެން ވަގުތީ ގޮތުން ބަންދުކުރަން ހައުސިން ޑިވޮލޮޕްމަންޓް ކޯޕަރޭޝަން (އެޗްޑީސީ) އިން ނިންމައިފިއެވެ.
އެޗްޑީސީން ނެރުނު ނޫސްބަޔާނެއްގައި ބުނީ، ވަގުތީ ގޮތުން އެތަން ބަންދުކުރާތީ، އެ ސަރަހައްދުގައި ބަހައްޓާފައިވާ ބާބަކިއު ޕިޓް، ގޮނޑި މޭޒު ފަދަ ތަކެތި ނެގުމަށް ހަމަޖެހިފައިވާ ކަމަށެވެ.
އެޗްޑީސީގެ ބަޔާނުގައި ބުނީ، ހުޅުމާލެ ބާބަކިއު ސަަރަހައްދު ވަގުތީ ގޮތުން ބަންދުކުރަން ނިންމާފައިވަނީ ހުޅުމާލެ ފޭސް އެކެއް އަދި ދޭއް ތަރައްގީކުރުމަށްޓަކައި އެ ސަރަހައްދު ސާފުކުރުމުގެ ގޮތުން ކަމަށެވެ.
އެތަން ބަންދުކުރަން ނިންމި އިރު، އަލުން ހުޅުވާނެ ތާރީހެއް އެޗްޑީސީގެ ބަޔާނުގައި ބުނެފައި ނުވެއެވެ.
ހުޅުމާލޭ ބާބަކިއު ސަރަހައްދަކީ ކޮންމެ ދުވަހަކު އެތައް ބަޔަކު ބޭނުންކުރަމުންދާ ސަރަހައްދެކެވެ.