މަސްތުގެ ހާލަތުގައި ހުރި މީހަކު ނައިބު ރައީސް ފައިސަލް ނަސީމުގެ ކާރުކޮޅަށް ގެއްލުންދީފިއެވެ.
ފުލުހުން ހާމަކުރިގޮތުގައި، ނައިބު ރައީސް ދިރިއުޅުއްވާ ހިލާލީގޭގެ ކައިރިއާއި، އެ ސަރަޙައްދުގައިވާ ވެހިކަލްތަކަށް، ގެއްލުންދޭކަމުގެ މަޢުލޫމާތުލިބުމާއެކު، އެ ސަރަޙައްދަށް ގޮސް ބަލައިފައިވާކަމަށެވެ. މި ގޮތުން ފުލުހުން ބެލިބެލުމުގައި، ހިލާލީގޭގެ ކައިރީގައި އޮތް ނައިބުރައީސްގެ ކާރުކޮޅުގެ ވައިޕަރާއި، ނަންބަރު ބޯޑު ބިންދާލާ ގެއްލުންދީފައިވާކަމަށް ފުލުހުން ހާމަކުރެއެވެ.
މި މައްސަލައާއި ގުޅިގެން ނަވާވީސް އަހަރުގެ ދިވެއްސަކު ހައްޔަރުކޮށް ތަޙުޤީޤުފަށާފައިވާއިރު، މީގެކުރިން ވެސް ވަނީ، ރައީސުލްޖުމްހޫރިއްޔާގެ ކާރުކޮޅުގެ މައްޗަށް ފެންއެއްޗެއް އޮއްސާލި މައްސަލައެއް ކުރިއަށް ގެންގޮސްފައެވެ.
