ދުނިޔޭގައި ހަލުވިކަމައެކު ފެތުރެމުންދާ ކޮވިޑް-19 އިން ރައްކާތެރިވުމުގެ ގޮތުން، ލޯކަލް މާރުކޭޓް ގޮޅިތަކާއި ގާޑިޔާތައް ސާފުކޮށްފިއެވެ.
މާލޭސިޓީ ކައުންސިލުން ބުނީ، ލޯކަލް މާރުކޭޓްގެ ގޮޅިތަކާއި، ގާޑިޔާތައް ހިންގާފަރާތްތަކާއި ކައުންސިލާއި ގުޅިގެން، ދުނިޔޭގެ ޞިއްޙަތު ޖަމްޢިއްޔާ(ޑަބްލިޔުއެޗްއޯ)އިން އަންގަވާފައިވާ މިންގަނޑަށް މިއަދު އެ ތަންތަން ސާފުކޮށްފައިވާނެކަމަށެވެ.
މާލެސިޓީ ކައުންސިލުން މިއަދު މި ހަރަކާތްތަށް ކުރިއަށް ގެންގޮސްފައިވާއިރު، އެ އިދާރާއިންވަނީ ބާޒާރުމައްޗާއި ފިހަރަތަކާއި، ފިހާރަތައް ހިމެނެ ސަރަޙައްދުތަކާއި، މަސްމާރުކޭޓާއި، މަސްމާރުކޭޓާއި ގުޅިފައިވާ ތަންތަން ސާފުކުރުމަށް ނިންމާފައެވެ. މީގެ އިތުރުން، ކޮވިޑް-19 އަށް ރައްކާތެރިވުމުގެ ގޮތުން، ޕާކްތަކާއި ޢާންމުން ޖަމާވެއުޅޭ ތަންތަން މިހާރުވަނީ ބަންދުކުރެވިފައެވެ. ހަމަ އެހެންމެ ޕާކުތައް ބަލަހައްޓާ ފަރާތްތަކަށް މަޢުލޫމާތުދީ މިހާރުވަނީ ރަސްރަނި ބަގީޗާ ވެސް ސާފުކުރެވިފައެވެ.
