އެސްއެމްއީ ޑިވެލޮޕްމަންޓް ފައިނޭންސް ކޯޕަރޭޝަން (އެސްޑީއެފްސީ)އިން ދޫކޮށްފައިވާ ލޯނުތަކާއި އިންޓަރެސްޓް އަނބުރާ ދެއްކުން ހަ މަސްދުވަހަށް ފަސްކުރަން އެ ކުންފުނިން ނިންމައިފި އެވެ.
އެސްޑީއެފްސީން ބުނީ ކޮވިޑް-19 ރޯގާހެ ސަބަބުން ކުރިމަތިވެފައިވާ އިގްތިސާދީ ދަތިކަމުގައި ކުދި އަދި މެދު ފަންތީގެ ވިޔަފާރިތަކަށް އެހީވުމުގެ ގޮތުން އެސްޑީއެފްސީގެ ލޯނުތަކުގެ އިންޓްރެސްޓް އަނބުރާ ދެއްކުން ހަ މަހަށް ފަސްކޮށް ދިނުމަށާއި އަދި އެ މުއްދަތުގައި ލޯނުގެ އިިންޓްރެސްޓް ރޭޓް ހަތަރު ޕަސެންޓަށް ކުޑަކުރަން ވެސް ނިންމާފައިވާ ކަމަށެވެ.
މިދިޔަ އަހަރި މާޗް މަހުން ފެށިގެން ކުދި އަދި މެދު ފަންތީގެ ވިޔަފަރިތަކަށް މާލީ އެހީތެރިކަން ފޯރުކޯށްދިނުމުގެ ހިދުމަތް ދެމުން އަންނަ އެސްޑީއެފްސީ އިން ގެސްޓްހައުސް އެޅުމަށާއި ދަނޑުވެރިކަމަށާއި ވިޔަފާރި ފެށުމަށާއި ވިޔަފާރި ފުޅާކުރުމަށް ލޯނު ދޫކުރެ އެވެ. މި ލޯނުތަކުގެ އިންޓަރެސްޓް ރޭޓް ކުޑަވުމުގެ އިތުރުން، އިކުއިޓީ އަށް އަތުން ދޭން ޖެހޭ ވަރު ވެސް ކުޑަ އެވެ.
އެސްޑީއެފްސީން އެގޮތަށް ނިންމިއިރު، އިިގްތިސާދަށް މިހާރު ކުރަމުންދާ އަސަރުތަކުގެ ސަބަބުން ލޯނުތަކުގެ އިންޓްރެސްޓް ރޭޓް ކުޑަކޮށް، ލޯނުތައް އަނބުރާ ދެއްކުމަށް ލުއި ގޮތްތަކެއް ހަމަޖައްސައި ދިނުމުގެ މަސައްކަތް ކުރަމުން އަންނަ ކަމަށް އިކޮނޮމިކް މިނިސްޓަރު ފައްޔާޒް އިސްމާއިލް ވެސް ދާދި ފަހުން ވަނީ ވިދާޅުވެފަ އެވެ.
