މާލެއާއި ވިލިމާލެއާދެމެދު ފެރީގެ ޚިދުމަތްދެމުން އަންނަ އެމްޓީސީސީއިން، ވިލިމާލޭ ރައްޔިތުންނަށް ދަތުރު ކާޑު ހިލޭ ދިނުމަށް ހަމަޖައްސައިފިއެވެ.
މި ކަން ހާމަކޮށް އެމްޓީސީސީން މިއަދު ކުރި ޓްވީޓެއްގައިވަނީ، ދަތުރު ކާޑު ހިލޭ ދިނުމަށް ހަމަޖެއްސީ، ކޮވިޑް-19 ރައްކާތެރިވުމަށް އަޅާ ފިޔަވަޅެއްގެ ގޮތުން، ފައިސާ ގެންގުޅޭ މިންވަރާއި، ސިންގަލް ޓޯކަން މަދުކުރުމުގެ ގޮތުންކަމަށެވެ.
އެމްޓީސީސީގެ މި ނިންމުމާއެކު މިއަދުން ފެށިގެން، ވިލިމާލޭގެ ރައްޔިތުންނަށް ދަތުރުކާޑު ހިލޭ ހެއްދޭނެއެވެ. ކޮވިޑް-19އިގެ ނުރައްކާތެރިކަން ބޮޑުވެފައިވާ މި ދަނޑިވަޅުގައި، ކުންފުނިތަކުންނާއި ސަރުކާރުގެ މުޢައްސަސާތަކުންދަނީ ރައްކާތެރިކަމުގެ ފިވަޅުތައް ވަރުގަދަކުރަމުންނެވެ.
