ކުރީގެ އިސްލާމިކް މިނިސްޓަރު ޑރ.މުޙައްމަދު ސަޢީދުގެ ގޮވައިލުމަށް، ޕީއެންސީގެ ރައީސް ޢަބްދުއްރަޙީމް ޢަބްދުﷲ (އަދުރޭ) އިޖާބަދެއްވައިފިއެވެ.
މި މަހު 29 ވަނަ ދުވަހުގައި ޑރ. ޝަހީމް ފެށްޓެވި ކީރިތި ޤުރުއާން ކިޔެވުމުގެ ޗެލެންޖަށް ޢަބްދުއްރަޙީމަށް ވަނީ ދަޢުވަތުއަރުވާފައެވެ.
މި ގޮތުން، ޑރ.ޝަހީމް މިއަދު ޢަބްދުއްރަޙީމަށް ޓެގް ކުރެއްވި ޓްވީޓްގައިވަނީ، ދަޢުވަތު ޤަބޫލުކުރައްވާނެކަމަށް އުންމީދުކުރައްވާކަމަށް ވެސް ވިދާޅުވެފައެވެ.
މިހާރު އަދުރޭވަނީ އެ ޗެލެންޖުގައި ބައިވެރިވެވަޑައިގެން ޤުރުއާން ކިޔަވައިވިދާޅުވެ ސޯޝަލް މީޑިއާގައި ހިއްސާކުރައްވާފައެވެ.
https://www.facebook.com/watch/?v=302009860783194
މީގެ އިތުރުން، ޑރ. ޝަހީމްވަނީ ރައީސް ނަޝީދުއާއި ސަރުކާރުގެ އިސްބޭފުޅުންނަށް ވެސް ދަޢުވަތު އަރުވާފައެވެ. އެހެނަސް އަދި އެއިން ބޭފުޅަކު މި ޗެލެންޖުގައި ބައިވެރިވެވަޑައެއްނުގަންނަވައެވެ.
https://t.co/5VIVZDlq8m?amp=1
