ރެފްރިޖެރެންޓް ގޭސް ރާއްޖެ އެތެރެކުރަން ބޭނުންވާ ފަރާތްތަކަށް މިހާރު އެ ފުރުސަތު ހުޅުވާލައިފައިވާކަމަށް މިނިސްޓްރީ އޮފް އެންވަޔަރަމަންޓުން ހާމަކޮށްފިއެވެ.
އެ މިނިސްޓްރީން އާދިއްތަ ދުވަހުގެރޭ ބުނީ، 18 މާރިޗުވާ ބުދަ ދުވަހުން ފެށިގެން، އެ މިނިސްޓްރީގެ ވެބްސައިޓުގައި ޝާއިއުކުރެވިފައިވާ ގޫގުލް ފޯމު މެދުވެރިކޮށް ރެފްރިޖިރެންޓް ގޭސް ރާއްޖެ އެތެރެކުރުމުގެ ހުއްދައަށް އެދުމުގެ ފުރުސަތު ހުޅުވާލައިފައިވާކަމަށެވެ.
މީގެ އިތުރުން އެ މިނިސްޓްރީން ބުނީ، އެ މިނިސްޓްރީން ހުއްދަ ފޯމު ތައްޔާރުކުރުމަށްފަހު ގޫގުލް ފޯމުގައިވާ އީމެއިލް އެޑްރެހަށް މެއިލްކުރެވޭނެ ކަމަށާއި، މިނިސްޓްރީ އޮފް ޑިފެންސަށް އެ ފަރާތުގެ ހުއްދައަށް ވެސް މެއިލް ކުރެވޭނެކަމަށެވެ.
މިނިސްޓްރީން ބުނީ، ފައިނަލް ޕާރމިޓް މިނިސްޓްރީ އޮފް ޑިފެންސުން ވެސް އެ ފަރާތަކަށް މެއިލް ކުރަންވާނެ ކަމަށެވެ.
