ވިލިވަރުގައި އަލަށް ޤާއިމުކުރާ ކަރަންޓީނު ފެސިލިޓީއަށް ބޭނުންވާ ބައެއް ސާމާނު ވިލިވަރާއި ހަވާލުކޮށްފައިވާ ކަމަށް ސްޓެލްކޯއިން ބުނެފިއެވެ.
މި ކަން ހާމަކޮށް ސްޓެލްކޯއިން އަންގާރަ ދުވަހުގެ ރޭ ބުނީ، ސިންކްރޮނައިޒިން ޕެނަލްއަށް ބޭނުންވާ ހުރިހައި ސާމާނެއް މިހާރު ވިލިވަރާއި ހަވާލުކޮށްފައިވާކަމަށެވެ.
މީގެ އިތުރުން، ޑިސްޓްރިބިއުޝަން ނެޓްވޯކަށް ބޭނުންވާ ހުރިހާ ސާމާނެއް ވިލިވަރާއި ހަވާލުކޮށްފައިވާކަމަށް ވެސް ސްޓެލްކޯއިން ބުނެއެވެ.
https://twitter.com/STELCOMALDIVES/status/1261313849904582663?s=19
ސްޓެލްކޯއިން، ސިންކްރޮނައިޒިން ޕެނަލްއަށާއި، ޑިސްޓްރިބިއުޝަން ނެޓްވޯކަށް ބޭނުންވާ ހުރިހާ ސާމާނެއް ވިލިވަރާއި ހަވާލުކޮށްފައިވާއިރު، މީގެ ދެ ދުވަސްކުރިން، 1 މެގަވޮޓްގެ ޖެންސެޓެއް ވެސް، ގެންގޮސްފައިވެއެވެ.
މި 1 މެގަވޮޓްގެ ޖެންސެޓް ގެންގޮސްފައިވަނީ، ކޮރޯނާ ވައިރަހާއި ގުޅިގެން، އެ ރަށުގައި ޤާއިމުކޮށްފައިވާ ފެސިލިޓީގައި ގިނަ އަދަދެއްގެ ބިދޭސީން ބޭތިއްބުމަށް ސަރުކާރުން ނިންމާފައިވާތީ، އެ ރަށުގެ ކަރަންޓުގެ ކެޕޭސިޓީ އިތުރުކުރުމަށްޓަކައިކަމަށް ސްޓެލްކޯއިން ބުނެފައިވެއެވެ.
