”ދިރާގުޕްލޭ“ގެ ނަމުގައި މުޅިން އާ އެޕްލިކޭޝަނެއް، ދިރާގުން ތަޢާރަފުކޮށްފިއެވެ.
މި އެޕްލިކޭޝަނަކީ، މުނިފޫހިފިލުވުމުގެ ސްޓްރީމިންގ މޮބައިލް އެޕްލިކޭޝަނެކެވެ. މި އެޕްލިކޭޝަން ޢާންމުކުރަމުން ދިރާގުންބުނީ، މި އެޕަކީ ތަފާތު ވައްތަރުގެ ކޮންޓެކްޓްތައް ހެޔޮ އަގެއްގައި އެއްތަނަކުން ބަލައިލަން ބޭނުންވާ މީހުންނަށް ޚާއްސަކޮށް ތަޢާރަފުކޮށްފައިވާ އެޕެއްކަމަށެވެ.
މީގެ އިތުރުން ދިރާގުން ބުނީ،މި ދަނޑިވަޅަކީ ލޮކްޑައުންކުރުމުގެ ސަބަބުން ގޭގައި ތިބެންޖެހިފައިވާ ދުވަސްވަރަކަށްވުމުން މުނިފޫހިފިލުވުމަށް އޮންލައިން ސްޓްރީމިން ޚިދުމަތްތަކުގެ ބޭނުން ނުހަނު ބޮޑަށް ޖެހިފައިވާކަމަށެވެ.
މި އެޕްގެ ޒަރީޢާއިން ކޮންމެ ވަގުތަކު، ކޮންމެ ތަނެއްގައި ހުރިކަމަށްވިޔަސް، ވީޑިއޯ އޮން ޑިމާންޑްގެ ތަފާތު ގިނަ ކޮންޓެންޓް މޯބައިލް ޑިވައިސްތަކުން ކަސްޓަމަރުންނަށް ނުހަނު ފަސޭހަކަމާއެކު ލައިވް ޓީވީ ބަލާލެވޭނެކަމަށް ދިރާގުން ހާމަކުރެއެވެ.
https://twitter.com/dhiraagu_tv/status/1263527450715308034?s=19
ދިރާގުން ބުނީ، މި އެޕްގައި އިންޓްރޮޑަކްޓަރީ އޮފަރއެއްގެގޮތުން ”ޕްލޭ“ ޕެކޭޖް އެއް މަސްދުވަހުގެ މުއްދަތަށް ހިލޭ ލިބޭނެކަމަށާއި، ހިލޭ އެކްޓިވޭޓް ކުރެވޭނީ ޖޫން 15 ވަނަ ދުވަހުގެ ނިޔަލަށެވެ.
މީގެ އިތުރުން، އެކްޓިވޭޓްކުރާނަމަ، ޖޫން 15 ވަނަ ދުވަހުގެ ފަހުން، މަހަކު 30 ރުފިޔާއަށް މި ޕެކޭޖް ބޭނުންކުރެވޭނެކަމަށެވެ.
ޕްލޭ ސްޓޯރުންނާއި އެޕް ސްޓޯރއިން ހިލޭ ޑައުންލޯޑްކޮށްލެވެން ހުރި، ޕްލޭ ޕްކޭޖްގައި މިހާރުވެސް 23 ޗެނަލެއް ބަލާލެވޭނެކަމަށާއި، ޕެކޭޖްގެ ވެލިޑިޓީއަކީ، އެކްޓީވޭޓްކުރާ ދުވަހުން ފެށިގެން، 30 ދުވަސްކަމަށެވެ.
ދިރާގުން ބުނީ، އަބަދުވެސް މަސައްކަތްކުރަމުން އަންނަނީ، ޚިދުމަތްތައް ފުޅާކުރުމަށްކަމަށާއި، މިހާރު ވެސް، ޚަބަރާއި، ކުޅިވަރާއި، ލައިފްސްޓައިލް ކޮންޓެންޓް ފަސޭހައިން ފޯރުކޮށްދިނުމަށްޓަކައި ގިނަގުނަ މަސައްކަތްތަކެއް ކުރަމުން އަންނަކަމަށެވެ.
