ކޮވިޑް-19 އަށް 56 މީހަކު ޕޮޒިޓިވްވެ ޖުމްލަ ޢަދަދު އަށް އިތުރުވެއްްޖެއެވެ.
ނޭޝަނަލް އިމަރޖެންސީ އޮޕަރޭޝަންސް ސެންޓަރުގައި މިހާރު ކުރިއަށްދާ ނޫސްވެރިންގެ ބައްދަލުވުުގައި، ކޮވިޑް-19 އިގެ ޓާސްކް ފޯހުގެ ތަރުޖަމާނު މުޙައްމަދު މަބްރޫކް ޢަޒީޒު ވިދާޅުވީ، ރޭގެ 18:00 އިން މިއަދުު 18:00 އާއި ހަމައަށް 56 މީހަކު ޕޮޒިޓިވްވެފައިވާކަމަށެވެ.
މި އަދަދާއެކު ރާއްޖެއިން ޕޮޒިޓިވްވި މީހުންގެ އަދަދު މިވަނީ 1829 އަށް އަރާފައެވެ.
ކޮވިޑް-19 ގެ ހާލަތު މިއަދާ ހަމައަށް އައިއިރު، ރާއްޖެއިން މި ބަލި ޖެހިގެން 6 މީހަކު މިހާތަނަށް ނިޔާވެފައިވެއެވެ. އޭގެތެރެއިން އެކަކު ނިޔާވެފައިވަނީ މިއަދު ކަމަށާއި، 54 އަހަރުގެ އެ މީހާއަކީ ބަންގްލަދޭޝްގެ ރައްޔިތެއްކަމަށް އެޗްޕީއޭއިން ހާމަކޮށްފައިވެއެވެ.
މީގެ އިތުރުން ކޮވިޑް ބަލީގައި ނިޔާވި މީހުންގެތެރޭގައި ހިމެނެނީ، 83 އަހަރުގެ ދިވެހި އަންހެނަކާއި، 80 އަހަރުގެ ދިވެހި ފިރިހެނަކާއި، 88 އަހަރުގެ ދިވެހި ފިރިހެނަކާއި، 33 އަހަރުގެ ބަންގްލަދޭޝް ފިރިހެނެއްގެ އިތުރުން، 45 އަހަރުން ބަންގްލަދޭޝް ފިރިހެނެކެވެ.
