ބޭރަށް ނިކުމެ އުޅޭއިރު މާސްކު އަޅަން މަޖުބޫރުކުރި އެންގުމާ ހިލާފުވެގެން ޖޫރިމަނާ ކުރި މީހުންގެ އަދަދު 1010 އަށް އަރައިފިއެވެ.
އެޗްއީއޯސީން ރޭ ބޭއްވި ނޫސްވެރިންގެ ބައްދަލުވުމުގައި ޑރ.އިބްރާހިމް އަފްޒަލް ވިދާޅުވީ، މާސްކު ނާޅައިގެން މިހާތަނަށް ޖުމުލަ 1010 މީހަކު ޖޫރިމަނާކޮށްފައިވާ ކަމަށާއި 2637 މީހަކަށް ނަސޭހަތްތެރިވެފައިވާ ކަމަށެވެ.
އިއްޔެ ހަވީރު 6:00 އިން ފެށިގެން ހިނގި 24 ގަޑިއިރު ތެރޭގައި ޖުމްލަ 56 މީހަކަށް ނަސޭހަތްތެރިވެ، 29 މީހަކު ޖޫރިމަނާކޮށްފައިވާ ކަމަށްވެސް ޑރ. އަފްޒަލް ވަނީ ވިދާޅުވެފައެވެ.
މާލެއިން ކޮވިޑް-19 އަށް ފައްސިވާ މީހުންގެ އަދަދު އިތުރުވަމުން އަންނާތީ ސަރުކަރުން ވަނީ ރޭގަނޑު 8:00 އިން ފަތިހު 5:00 އަށް މާލެ ސަރަހައްދުގައި އެއްގަމު އުޅަނދު ދުއްވުންވެސް ވަނީ މަނާކޮށްފައެވެ. މި އެންގުމާ ހިލާފުވާނަމަވެސް ހަމަ އެއް އުސޫލެއްގެ ދަށުން ފިޔަވަޅު އަޅާނެއެވެ.
advertisment