އެޗްޕީއޭގެ ގައިޑްލައިންތައް ތަންފީޒް ކުރުމަށް ފުލުހުން ކުރަމުންދާ މަސައްކަތުގެ ތެރެއިން މާސް އިންސްޕެކްޝަންގައި މިހާތަނަށް 343 ތަނެއް އިންސްޕެކްޓް ކޮށް، 11 ތަނެއް ބަންދު ކޮށްފިއެވެ.
ފުލުހުން ވިދާޅުވީ، އިންސްޕެކްޓް ކޮށްފައިވާ 343 ތަނުގެ ތެރޭގައި ހިމެނެނީ، 236 ފިހާރަ އަކާއި ކެއުމުގެ ހިދުމަތް ދޭ 90 ތަނަކާއި 15 ސެލޫންގެ އިތުރުން ޖިމް އަކާއި މާރުކޭޓެއް ކަމަށެވެ.
މި އިންސްޕެކްޝަންގައި ހިދުމަތް ދެމުން އަންނަތަންތަން އެޗްޕީއޭގެ ގައިޑްލައިންސް ތަކަށް ފެތޭތޯ ފުލުހުން އަންނަނީ ހަރަކާތްތެރި ވަމުންނެވެ. ބެލެވޭ ގޮތުން އިންސްޕެކްޝަންގެ ތެރޭގައި ބަންދު ކޮށްފައިވާ 11 ތަނަކީ އެއީ ގައިޑްލައިންސްތަކަށް ނުފެތޭ ތަންތަނެވެ. އެހެން ނަމަވެސް އެއީ ކޮންކޮން ތަންތަނެއް ކަމެއް ފުލުހުން ވިދާޅެއް ނުވެއެވެ.
ކޮވިޑް-19 އަށް ދުވަހުން ދުވަހަށް ފައްސިވާ މީހުންގެ އިންސައްތަ އިތުރުވަމުން އަންނާތީ ސަރުކާރުން ވަނީ ހަރުކަށި ފިޔަވަޅުތަކެއް އަޅާފައެވެ.