ހުސައިން އަކީ ބްރޯޑްކާސްޓިންގެ ހަޔާތުގެ ބޮޑު ހިދުމަތްތެރިއެއް: ނަޝީދު

ހުސައިން މުހައްމަދު އަކީ ބްރޯޑްކާސްޓިން ގެ ހަޔާތުގެ ބޮޑު ހިދުމަތްތެރިއެއް ކަމަށް މަޖިލީހުގެ ރައީސް، ރައީސް މުހައްމަދު ނަޝީދު ވިދާޅުވެއްޖެއެވެ.

ހުސެއިން އަވަހާރަވުމާ ގުޅިގެން ނަޝީދު މިއަދު ކުރެއްވި ޓްވީޓެއްގައި ވިދާޅުވީ ފެރިދޫ ހުސައިން މުހައްމަދަކީ ތިން ދައުރު އަރި އަތޮޅު ތަމްސީލު ކުރެއްވި ރައްޔިތުންގެ ވަކީލެއް ކަމަށާއި ރާއްޖޭގެ ބްރޯޑްކާސްޓިން ހަޔާތުގެ ބޮޑު ހިދުމަތްތެރިއެއް ކަމަށެވެ.

ނަޝީދު އިތުރަށް ވިދާޅުވީ ހުސައިން އަކީ ތެދުވެރި، މާއްދިއްޔަތަށް ނުހެއްލޭ ލިޔުންތެރިއެއް ކަމަށާއި އާއިލީ ރަހުމަތްތެރިއެއް ކަމަށެވެ.

“މާތްﷲ މަރްހޫމް އަށް ސުވަރުގެ މިންވަރު ކުރައްވާށި. އާމީން.” ނަޝީދު ވިދާޅުވިއެވެ.

Feridhoo Hussain Mohamed akee 3 dhauru Ari Atoll thamseel kurevvi rayyithunge wakeeleh. Raajjeyge broadcasting ge hayaathuge bodu khidhumaiytherieh. Thedhuveri, maahdhiyathah nuhelley liyuntherieh. Aailee rahmaiytherieh. Maaiy Allah marhoom ah suvaruge minvaru kuravvashi. Aameen

— Mohamed Nasheed (@MohamedNasheed) September 4, 2020

އުމުރުފުޅުން 71 އަހަރުގެ ހުސެއިން އަވަހާރަވެފައިވަނީ ރޭ ދަންވަރުގެ ވަގުތެެއްގައި ޓްރީޓޮޕް ހޮސްޕިޓަލުގައި ފަރުވާދެމުން ދަނިކޮށެވެ.

ރާއްޖޭގެ ސިޔާސީ ދާއިރާގެ އިތުރުން ތައުލީމީ އަދި މީޑިއާގެ ދާއިރާގައި ވެސް ހުސެއިން މަސައްކަތް ކުރައްވާފައިވެއެވެ.