ށ. މިލަންދޫގައި ހޯމް ކަރަންޓީނު ވެގެން ހުރި ބިދޭސީއަކު ކޮވިޑް-19 އަށް ޕޮޒިޓިވް ވެއްޖެއެވެ.
މިލަންދޫ ހެލްތު ސެންޓަރުން ބުނީ، ޕޮޒިޓިވްވެފައި ވަނީ މިލަންދޫ ފާމަސީ އެއްގައި މަސައްކަތް ކުރާ ބިދޭސީއެއް ކަމަށެވެ.
އޭނާ އެރަށުގެ އިތުރު އެއްވެސް ފަރާތަކާއި ކޮންޓެކްޓް ވެފައި ނުވާ ކަމަށް ހެލްތު ސެންޓަރުން ބުނެއެވެ.
މިލަންދޫން މީގެ ކުރިން ވެސް 10 މީހަކު ވަނީ ޕޮޒިޓިވް ވެފައެވެ.
މީގެ އިތުރުން ގދ. ހޯޑެއްދުއިން ޕޮސިޓިވްވި ދެމީހުންނާއި ގުޅުންހުރި އިތުރު 19 މީހަކު އިއްޔެ ވަނީ ޕޮޒިޓިވްވެފައެވެ. އެ ރަށް މިހާރު އޮތީ މޮނިޓަރިންގަގައެވެ.