އިދިކޮޅު ޕީއެންސީގެ ރައީސް އަބްދުއްރަހީމް އަބްދުﷲ އެއްފަހަރާއި ނުވަ މިލިއަން ރުފިޔާ ދެއްކެވުމަށް ފަހު “ރެހެންދި-6″އިން ފްލެޓްތަކެއް ބައްލަވައިގަތް މައްސަލަ އެންޓި ކޮރޮޕްޝަން ކޮމިޝާން (އޭސީސީ) އިން އަލުން ބަލަން ފަށައިފި އެވެ.
އޭސީސީން ބުނީ މި މައްސަލަ އަލުން ބަލަން ނިންމީ މިމައްސަލަ މީގެކުރިން ނިންމާފައިވާ ގޮތުން ސުވާލު އުފެދޭ ކަންތައްތަކެއް ހުރުމުން ކަމަށެވެ. އެގޮތުން އޭސީސީގައި މީގެކުރިން ތިއްބެވި މެމްބަރުން ވަނީ އެކަމުގައި ކޮރަޕްޝަނެއް ނެތް ކަމަށް ނިންމައި އެ މައްސަލަ ފައިލްކޮށްފައެވެ.
އަދުރޭގެ ދެކަނބަލުން ނުވަ މިލިއަން ރުފިޔާއަށް ފްލެޓްތަކެއް ބައްލަވައިގަތްކަން ގިނަ ބަޔަކަށް އެނގުނީ، ފްލެޓްތަކުގެ ރަޖިސްޓްރީ ކަންތައްތައް ނިންމުމަށް އެ ފްލެޓްތަކުގެ ވެރިފަރާތް ކަމުގައިވާ “ޑައިން މޯ ޕްރައިވެޓް ލިމިޓަޑަށް” އެފްޑަބްލިއު ކޮންސްޓްރަކްޝަނުން ފޮނުވި ސިޓީތައް ސޯޝަލް މީޑިޔާގައި އާއްމުވުމުންނެވެ.