ހުޅުމާލެ ހޮސްޕިޓަލުގައި މާދަމާ ކޮވިޑް-19 އަށް ޓެސްޓު ކުރަން ފެށުމަށް ނިންމާފައިވާ ކަމަށް ހެލްތު އިމަޖެންސީ އޮޕަރޭޝަންސް ސެންޓަރުން ހާމަކޮށްފިއެވެ.
ރޭ ބޭއްވި ނޫސްވެރިންގެ ބައްދަލުވުމެއްގައި އެޗްއީއޯސީގެ ތަރުޖަމާނު ޑރ. ނަޒްލާ ރަފީގު ވިދާޅުވީ މިއަދު ހުޅުމާލެ ހޮސްޕިޓަލުގައި ޕީސީއާރް ޓެސްޓު ކުރަން ފެށިގެން ދާނެ ކަމަށާއި މި މަހުގެ ތެރޭގައި ފުޑް އެންޑް ޑްރަގް އޮތޯރިޓީގައި ވެސް ޕީސީއާރް ޓެސްޓު ކުރަން ފެށުމަށް މަސައްކަތް ކުރަމުންދާ ކަމަށެވެ.
“މާދަމާ ހުޅުމާލޭ ހޮސްޕިޓަލުގައި ކޮވިޑްގެ ޕީސީއާރު ޓެސްޓު ކުރެވެން ފެށޭނެ،” ޑރ. ނަޒްލާ ވިދާޅުވިއެވެ.
މާލެ ސަރަހައްދުގައި މިހާރު އައިޖީއެމްއެޗް، އޭޑީކޭ އަދި ފުލުހުންގެ ލެބުގައި އަންނަނީ ކޮވިޑަށް ޓެސްޓު ކުރުމުގެ މަސައްކަތް ކުރަމުންނެވެ. މީގެ އިތުރުން ކުޅުދުއްފުށި ރިޖަނަލް ހޮސްޕިޓަލާއި އައްޑޫ އިކުއަޓޯރިއަލް ހޮސްޕިޓަލުން ވެސް ޕީސީއާރު ޓެސްޓު ހެދޭނެއެވެ.
advertisment