އެސީޓިގައި ޝުއައިބު ވިދާޅުވެފައި ވަނީ އިކޮނޮމިކް މިނިސްޓަރު ފައްޔާޒު އިސްމާއީލް، ގާނޫނީ މަސްއޫލިއްޔަތުން އެކަހެރި ކުރެއްވުމަށް، އެމްޑީޕީގެ ރައީސް މުހައްމަދު ނަޝީދު ހަސަން ލަތީފަށް ފޮނުއްވާފައިވާ ސިޓީފުޅަކީ، ޕާޓީގެ އުސޫލުތަކާއި ހިލާފަށް ޕާޓީގެ ވަސީލަތްތައް ބޭނުން ކުރެއްވުމަށް ބާރު އަޅުއްވައި ފޮނުއްވި ސިޓީފުޅެއް ކަމަށެވެ. އަދި އެއީ އެމަނިކުފާނު އަމިއްލަފުޅު ސީޓިއެއް ކަމަށާއި އެއީ ހިޔާޅުފުޅެއް ކަމަށްވެސް ޝުއައިބު ވިދާޅުވިއެވެ.
އެ ސިޓިގައި ބުނެފައިވަނީ ރައީސް ނަޝީދުގެ ވިސްނުންފުޅު މިހާރު ގެންގުޅުއްވަނީ ބަދަލު ހިއްޕެވުމުގެ ރޫހުގައި ކަމަށް ގަބޫލުކުރާ ކަމަށެވެ.
ޝުއައިބުގެ ސިޓީގައި އިތުރަށް ބުނެފައިވަނީ ވަޒީރުން އަދާކުރަންޖެހޭ ވާޖިބުތަކާއި ވަޒީރުން ޖަވާބުދާރީ ކުރުވާނޭގޮތް ސާފުކޮށް އޮތްއިރު، އަދި އެމްޑިޕީގެ އަސާސީ ގަވައިދުގައި ޕާލިމެންޓަރީ ގްރޫޕްގެ ހިންގާ ގަވައިދާއި ޕާޓީގެ އެކި ގުނަވަންތައް އަމަލުކުރާނޭ ގޮތް ބަޔާންކޮށްފައި އޮތްއިރު ރައީސް ނަޝީދުގެ އަމިއްލަފުޅު މަސްލަހަތައް ޕާޓީ ގުރުބާން ކުރުމަކީ ގައްދާރުވުންކަމުގައި ދެކޭކަމަށެވެ.
އެހެން ކަމުން ޕާޓީގެ ރައީސްގެ މަގާމުގައި ހުންނަވައިގެން ޤާނޫނުއަސާސީއިން ރައީސުލްޖުމްހޫރިއްޔާއަށް ލިބިފައިވާ ބާރުތަކުގެ ތެރެއިން ވަޒީރުންގެ މަޖިލީހުގެ މެމްބަރުންނަށް ސިޔާސީ ނުހަމަ ނުފޫޒު ޕާޓީގެ ރައީސްގެ ހައިސިއްޔަތުން ފޯރުކުރައްވަމުން ގެންދެވުން ތަކުރާރު ކުރައްވާތީ އެކަން ހުއްޓުވުމަށް ކުރެވެން ހުރި އެންމެހާ މަސައްކަތައް ޕާޓީގެ ޗެއާޕާސަންގެ ހައިސިއްޔަތުން ކޮށްދިނުމަށް އެދި ގޮވާލާކަމަށެވެ. އަދި ރައީސް ނަޝީދަށް ފިޔަވަޅު އަޅައިދިނުމަށް ވެސް އެދިވަޑައިގެންފައިވެއެވެ.
advertisment
One Response
ރައީސްކަން ކުރެއްވި ކެނެރީގެ މުޙައްމަދު ނަޝީދުގެ އަކީ ވަރަށް ފޫހިވާ ބެގަޑެއް. މުޅިއޮޑީގައި ހަސަނުގެ ދެފައި. އިބްރާ ބޭރުކޮށް، ދީދީ ބޭރުކޮށް، އަލްހާން ބޭރުކޮށް، މިހާރު ފައްޔާޒާއި އަޅައިގަނެގެން ނެއްޓެން ނޭގިގެން އެއުޅެނީ ކަރަޕްޝަން ހުއްޓުވާކަށް ނޫން. ޕްރޮޖެކްޓެއް ޢާއިލާ ބޭފުޅަކަށް ނުލިބި އެހެން މީހަކަށް ލިބިގެން ކޮށްލާވަރު. ތިބެގަޑަށް ރަގަޅު ފިލާވަޅެއް ލިބިގެން މައިތިރިވާނީ.